ജിദ്ദ : മക്ക മദീന റോഡില്‍ ബസും ട്രക്കും കൂട്ടിയിടിച്ച്‌ നാലു പേര്‍ മരിച്ചു. മക്കയില്‍ നിന്ന് മദീനയിലേക്കുളള അല്‍-ഹിജ്‌റ ഹൈവെയിലാണ് വ്യാഴാഴ്ച രാത്രിയാണ് അപകടമുണ്ടായത്. അപകടത്തില്‍ 48 പേര്‍ക്ക് പരിക്കേറ്റതായാണ് റിപ്പോര്‍ട്ട്.
ഇവരെ മേഖലയിലെ വിവിധ ആശുപത്രികളില്‍ പ്രവേശിപ്പിച്ചിരിക്കുകയാണ്. അപകടത്തില്‍ മരണപ്പെട്ടവരും പരിക്കുപറ്റിയവരും ഏതെല്ലാം രാജ്യക്കാരാണെന്ന് അറിഞ്ഞിട്ടില്ല.
സിവില്‍ ഡിഫന്‍സ് സ്ഥലത്തെത്തിയാണ് രക്ഷാപ്രവര്‍ത്തനത്തിന് നേതൃത്വം നല്‍കിയത്. മദീന കിങ് ഫൈസല്‍ ആശുപത്രയിലെ പ്രാഥമിക ശുശ്രൂഷാ സംഘങ്ങളും രക്ഷാപ്രവര്‍ത്തനത്തിന് സ്ഥലത്തെത്തിയിരുന്നു. അപകടത്തില്‍പെട്ട ബസിന്റെ മുന്‍വശവും വലതുഭാഗവും പൂര്‍ണമായും തകര്‍ന്നു.
