വനിതാ ലോകകപ്പിലെ നിർണായക മത്സരത്തിൽ ദക്ഷിണാഫ്രിക്കക്കെതിരെ ഇന്ത്യക്ക് മികച്ച സ്കോർ. സ്മൃതി മന്ഥാന, ഷഫാലി വെർമ, മിതാലി രാജ് എന്നിവർ ഇന്ത്യക്ക് വേണ്ടി അർദ്ധസെഞ്ചുറി നേടി. ഹർമൻപ്രീത് കൗർ 48 റൺസ് നേടി.ഈ മത്സരം വിജയിച്ചാൽ ഇന്ത്യക്ക് സെമിയിൽ കടക്കാം. നിശ്ചിത 50 ഓവറിൽ 7 വിക്കറ്റ് നഷ്ടത്തിൽ 274 റൺസാണ് ഇന്ത്യ നേടിയത്.
ദീപ്തി ശർമ്മ, മേഘ്ന സിംഗ്, രാജേശ്വരി ഗെയ്ക്വാദ് തുടങ്ങിയ ഇന്ത്യൻ ബൗളർമാർ പുലർത്തുന്ന സ്ഥിരതയാർന്ന ഫോം ഇന്ത്യക്ക് പ്രതീക്ഷ നൽകുന്നുണ്ട്. ഇന്ന് തോറ്റാൽ ടൂർണമെന്റിൽ നിന്ന് ഇന്ത്യ പുറത്താകും. മഴ മൂലം മത്സരം ഉപേക്ഷിക്കേണ്ടി വന്നാലും ഇന്ത്യക്ക് സെമിയിൽ കടക്കാം.
കഴിഞ്ഞ ലോകകപ്പിൽ വിജയത്തിന്റെ പടിവാതിൽക്കൽ എത്തിയ ശേഷമായിരുന്നു ഫൈനലിൽ ഇന്ത്യ പരാജയപ്പെട്ടത്. ഈ വർഷം ഇതുവരെ നിലവിലെ റണ്ണറപ്പുകൾക്ക് ചേർന്ന പ്രകടനമാണ് ഇന്ത്യ കാഴ്ചവെച്ചിരിക്കുന്നത്.
Discussion about this post