അയോധ്യ: നിർമ്മാണം പുരോഗമിക്കുന്ന അയോധ്യ രാമക്ഷേത്രം ബോംബ് വെച്ച് തകർക്കുമെന്ന് അജ്ഞാതന്റെ ഭീഷണി. ടെലിഫോണിലൂടെയായിരുന്നു ഭീഷണി. ഉത്തർ പ്രദേശിലെ രാംകോട്ട് സ്വദേശിയായ മനോജിന്റെ ഫോണിലേക്കാണ് ഭീഷണി എത്തിയത്.
ഭീഷണി സന്ദേശം എത്തിയതിന് പിന്നാലെ മനോജ് പോലീസിനെ വിവരമറിയിച്ചു. വ്യാഴാഴ്ച പകൽ 10.00 മണിക്ക് ക്ഷേത്രം തകർക്കുമെന്നാണ് ഭീഷണി. ഭീഷണി സന്ദേശം വന്നുവെന്ന വാർത്ത സ്ഥിരീകരിച്ചതിന് പിന്നാലെ രാമജന്മഭൂമിയിൽ വിന്യസിച്ചിരിക്കുന്ന സുരക്ഷാ ഉദ്യോഗസ്ഥർക്ക് പോലീസ് ജാഗ്രതാ നിർദേശം നൽകി.
സംഭവത്തിൽ കേസെടുത്ത് അന്വേഷണം ആരംഭിച്ചതായി പോലീസ് അറിയിച്ചു. ഭീഷണിപ്പെടുത്തിയ ആളിനെ കണ്ടെത്താനുള്ള അന്വേഷണം തുടരുകയാണ്.
Discussion about this post