ഓരോ നാടിനും അതിന്റെതായ വിശ്വാസങ്ങളും ആചാരങ്ങളും ജീവിതരീതികളുമുണ്ട്. ഇത്തരത്തിൽ തമിഴ് ഗ്രാമീണ ജനത തങ്ങളുടെ കാവൽ ദേവതയായി ആരാധിക്കുന്നത് അയ്യനാരെ ആണ്. അവരെ സംബന്ധിച്ചിടത്തോളം നാടിന്റെ നിലനിൽപ്പ് തന്നെ അയ്യനാരെ അടിസ്ഥാനമാക്കിയാണ്. ദ്രാവിഡ പാരമ്പര്യത്തിൻ്റെ ആത്മാവ് ഉറങ്ങി കിടക്കുന്ന മൂർത്തികളിൽ പ്രധാനിയാണ് അയ്യനാർ.സുരക്ഷ,ആരോഗ്യം,സന്താന ഭാഗ്യം,കൃഷി,വളർത്ത് മൃഗ സുരക്ഷ,മഴ എന്നിവയെല്ലാം ഈ മൂർത്തികളുടെ അനുഗ്രഹത്താൽ ലഭിക്കും എന്നാണ് ഗ്രാമീണ ജനതയുടെ വിശ്വാസം
അയ്യനാർക്ക് വിത്യസ്ത ഭാവങ്ങളും രൂപങ്ങളും ഉണ്ട്.തമിഴ് നാട്ടിലെ ഗ്രാമ പ്രദേശങ്ങളിൽ ,കുതിര പ്പുറത്തും മറ്റും,ആയുധ ധാരിയായി ഇരിക്കുന്ന അനവധി അയ്യനാർ രൂപങ്ങൾനമുക്ക് കാണാൻ കഴിയും.പല ഗ്രാമവാസികളും അപ്പച്ചിയാർ , അയ്യനപ്പൻ എന്നെല്ലാം ഈ മൂർത്തിയെ വിളിക്കുന്നുണ്ട് .അയ്യനാരുടെ ഉദ്ദ്ഭവത്തെ കുറിച്ച് അനവധി വ്യാഖ്യാനങ്ങൾ ഉണ്ട്.ശ്രീ ധർമ്മ ശാസ്താവ് ,അയ്യപ്പൻ എന്നീ ദൈവ സങ്കൽപ്പങ്ങൾക്ക് അയ്യനാരിൽ നിന്ന് അധികം ദൂരം ഇല്ല.
ഒരു കാലത്ത് ശ്രീലങ്ക ഉൾപ്പടെ പല ഏഷ്യൻ രാജ്യങ്ങളിലും അയ്യനാരെ വിത്യസ്തമായ പേരിലും ഭാവങ്ങളിലും ആരാധിച്ചു പോന്നിരുന്നു .പത്നിമാരായ പൂർണ, പുഷ്കല എന്നിവരോട് കൂടി ഇരിക്കുന്ന അയ്യനാർ വിഗ്രഹത്തിന് ഏകദേശം നാലടി ഉയരം കാണും.എന്നാൽ ഇതിൻ്റെ ഒന്നും ചരിത്ര പ്രാധാന്യം ജനതയ്ക്കും ഭരണ കർത്താക്കൾക്കും അറിയുന്നില്ല എന്നതാണ്.
