കോഴിക്കോട്: കൊയിലാണ്ടിക്ക് സമീപം ഓടിക്കൊണ്ടിരുന്ന തീവണ്ടിയിൽ നിന്ന് സഹയാത്രികനെ തള്ളിയിട്ട് കൊലപ്പെടുത്തി. സംഭവത്തിൽ തമിഴ്നാട് ശിവഗംഗ സ്വദേശി സോനു മുത്തുവിനെ റെയിൽവേ പോലീസ് കസ്റ്റഡിയിൽ എടുത്തു. മരിച്ച യുവാവിനെ തിരിച്ചറിഞ്ഞിട്ടില്ല. ഏകദേശം 25 വയസ്സ് പ്രായം തോന്നിക്കുന്ന യുവാവാണ് കൊല്ലപ്പെട്ടത്.
മംഗളൂരു-തിരുവനന്തപുരം മലബാർ എക്പ്രസിൽ കഴിഞ്ഞ ദിവസം രാത്രിയിലാണ് സംഭവം. സംഭവത്തിന്റെ ദൃശ്യങ്ങളും പുറത്ത് വന്നിട്ടുണ്ട്. പ്രതിയും യുവാവും തമ്മിൽ ട്രെയിനിൽ ഇരുന്ന് തർക്കിക്കുന്നത് ദൃശ്യങ്ങളിൽ കാണാം. കൊല്ലപ്പെട്ട യുവാവ് വാതിലിനോട് ചേർന്നാണ് നിന്നിരുന്നത്. തർക്കത്തിന് പിന്നാലെ കൊയിലാണ്ടി ആനക്കുളം റെയിൽവേ ഗേറ്റിന് സമീപം വച്ചാണ് സോനു മുത്തു യുവാവിനെ പുറത്തേക്ക് തള്ളിയിടുന്നത്.
ട്രെയിനിലുണ്ടായിരുന്ന മറ്റ് യാത്രക്കാരാണ് വിവരം പോലീസിനെ അറിയിക്കുന്നത്. കോഴിക്കോട് ട്രെയിൻ എത്തിയ ഉടനെ ഇയാളെ അറസ്റ്റ് ചെയ്തു. കൊല്ലപ്പെട്ട യുവാവിന്റെ മൃതദേഹം കോഴിക്കോട് മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുകയാണ്.
Discussion about this post