മലപ്പുറം : കരിപ്പൂർ വിമാനത്താവളത്തിൽ വൻ സ്വർണവേട്ട. ഒരു കോടി മുപ്പത് ലക്ഷം രൂപയുടെ സ്വർണവുമായി മൂന്ന് പേരെ പിടികൂടി. എയർപോഡിലും അടിവസ്ത്രത്തിലും ഒളിപ്പിച്ച് സ്വർണം കടത്താൻ ശ്രമിക്കുന്നതിനിടെയാണ് കസ്റ്റംസ് ഇവരെ പിടികൂടിയത്.
കാളികാവ് സ്വദേശി നൂറുദ്ദീൻ, കാസർകോട് സ്വദേശി അബ്ദുൾ സലാം, പുതുപ്പാടി സ്വദേശി ഹുസൈൻ എന്നിവരെയാണ് കസ്റ്റംസ് പിടികൂടിയത്. അടിവസ്ത്രത്തിനുള്ളിൽ ഒളിപ്പിച്ച് കടത്താനാണ് നൂറുദ്ദീൻ ശ്രമിച്ചത്.
എയർപോഡിനുളളിലും ബെൽറ്റിനുള്ളിലും പാത്രത്തിലും ഘടിപ്പിച്ച രൂപത്തിലും സ്വർണം പിടിച്ചെടുത്തു. 282 ഗ്രാം തൂക്കം വരുന്ന ചെറിയ പാക്കറ്റുകളിൽ കടത്താൻ ശ്രമിച്ച സ്വർണമാണ് ഹുസൈനിൽ നിന്ന് പിടികൂടിയത്. 20,000 മുതൽ 70,000 രൂപ വരെ പ്രതിഫലത്തിനാണ് ഇവർ സ്വർണം കടത്തിയതെന്നാണ് ലഭിക്കുന്ന വിവരം.
Discussion about this post