ഒരു നുണ പകർത്താൻ എളുപ്പമാണ്, പക്ഷേ സത്യം പറയാനാണ് ബുദ്ധിമുട്ട്; ബോളിവുഡിനെ നിഗൂഢമായ മൂടൽമഞ്ഞ് പോലെ ദ കേരള സ്റ്റോറി എന്നേക്കും വേട്ടയാടും; രാം ഗോപാൽ വർമ്മ

മുംബൈ: ദ കേരള സ്റ്റോറിയ്ക്ക് പിന്തുണയുമായി ചലച്ചിത്ര നിർമ്മാതാവ് രാം ഗോപാൽ വർമ്മ. എല്ലാ വിരൂപതയിലും സ്വയം കാണിക്കുന്ന ഒരു മനോഹരമായ പ്രേതകണ്ണാടി പോലെയാണ് ദേ കേരള സ്റ്റോറി എന്ന് അദ്ദേഹം കുറിച്ചു.
ബോളിവുഡിലെ എല്ലാ സ്റ്റോറി ഡിസ്‌കഷൻ റൂമിലും എല്ലാ കോർപ്പറേറ്റ് ഹൗസുകളിലും നിഗൂഢമായ മൂടൽമഞ്ഞ് പോലെ ദ കേരള സ്റ്റോറി എന്നേക്കും വേട്ടയാടുമെന്ന് അദ്ദേഹം പറയുന്നു.

The #KeralaStory will haunt like a mysterious fog in every story discussion room and every corporate house in BOLLYWOOD forever

— Ram Gopal Varma (@RGVzoomin) May 21, 2023

The #KeralaStory is like a BEAUTIFUL GHOSTLY MIRROR showing the DEAD face of Main stream BOLLYWOOD to itself in all its UGLINESS

— Ram Gopal Varma (@RGVzoomin) May 21, 2023

ഒരു നുണ പകർത്താൻ എളുപ്പമാണ്, പക്ഷേ സത്യം പകർത്താൻ വളരെ ബുദ്ധിമുട്ടാണ്. ദ കേരള സ്റ്റോറിയുടെ തകർപ്പൻ വിജയത്തിൽ ബോളിവുഡിൽ നിശബ്ദമാണെന്ന് അദ്ദേഹം പറഞ്ഞു.

വിവാദങ്ങൾക്കിടയിലും ബോക്‌സോഫീസിൽ കുതിപ്പ് തുടരുകയാണ് ‘ദ കേരള സ്റ്റോറി’. അദാ ശർമ അഭിനയിച്ച ചിത്രം ലോകമെമ്പാടുമായി 13 ദിവസംകൊണ്ട് 200 കോടി കടന്നതായി റിപ്പോർട്ട്. ഇന്ത്യയിൽ 13 ദിവസം കൊണ്ട് ചിത്രം 164 കോടി കടന്നു.കേരളത്തിൽ നിന്നുള്ള ഹിന്ദു യുവതികളെ ഇസ്ലാം മതത്തിലേക്ക് പരിവർത്തനം ചെയ്ത് ഐഎസിലേക്ക് റിക്രൂട്ട് ചെയ്യപ്പെടുന്നുവെന്നാണ് കേരള സ്റ്റോറിയുടെ ഇതിവൃത്തം. പശ്ചിമ ബംഗാളിൽ ചിത്രം നിരോധിച്ചപ്പോൾ, ഉത്തർപ്രദേശ്, മദ്ധ്യപ്രദേശ്, ഉത്തരാഖണ്ഡ് എന്നിവിടങ്ങളിൽ സിനിമയ്ക്ക് നികുതി ഒഴിവാക്കിയിരുന്നു.