ഇറാനിലെ ഷിയാ മസ്ജിദിന് നേരെ വീണ്ടും ആക്രമണം; ഒരാൾ കൊല്ലപ്പെട്ടു, ഏഴ് പേർക്ക് പരിക്ക്

ടെഹ്‌റാൻ: ഇറാനിൽ ഷിയാ ആരാധനാലയത്തിന് നേരെ വീണ്ടും ആക്രമണം. ഷിറാസ് നഗരത്തിലെ ആരാധനാലയത്തിന് നേരെയാണ് ആക്രമണമുണ്ടായത്. സംഭവത്തിൽ ഒരാൾ കൊല്ലപ്പെടുകയും ഏഴ് പേർക്ക് പരിക്കേൽക്കുകയും ചെയ്തു.

ഷിറാസിലെ ഷാ ചെരാഗ് ആരാധനാലയത്തിലെത്തിയ അക്രമി സുരക്ഷാ ഗാർഡുകളെ ആക്രമിച്ച ശേഷം ആളുകൾക്ക് നേരെ വെടിയുതിർക്കുകയായിരുന്നു. തക്ഫിരി എന്നാണ് അക്രമിയെ ഫാർസ് ഡെപ്യൂട്ടി ഗവർണർ വിശേഷിപ്പിച്ചത്.

കഴിഞ്ഞ വർഷം ഒക്ടോബറിലും ഷാ ചെരാഗ് ആക്രമിക്കപ്പെട്ടിരുന്നു. അന്നുണ്ടായ   ഭീകരാക്രമണത്തിൽ 13 പേർ കൊല്ലപ്പെട്ടിരുന്നു. ആ സമയത്ത്, ഒരു തോക്കുധാരി ഒരു ഓട്ടോമാറ്റിക് റൈഫിളുമായി ദേവാലയത്തിൽ പ്രവേശിച്ച് ഒരു കൂട്ടം തീർഥാടകർക്കും ജീവനക്കാർക്കും നേരെ വെടിയുതിർക്കുകയായിരുന്നു