തിരുവനന്തപുരം: ഓണക്കാലത്ത് നാടിനെ ആശങ്കയിലാക്കാൻ പൊളിവചനം പ്രചരിപ്പിച്ചെന്ന് മുഖ്യമന്ത്രി പിണറായി വിജയൻ.സംസ്ഥാന സർക്കാരിൻറെ ഓണാഘോഷ പരിപാടികൾ കനകക്കുന്നിൽ ഉദ്ഘാടനം ചെയ്ത് സംസാരിക്കുകയിരുന്നു മുഖ്യമന്ത്രി. 2025 നവംബർ 1 ന് സംസ്ഥാനത്ത് പരമദാരിദ്ര്യാവസ്ഥയിൽ ഒരു കുടുംബം പോലും ഉണ്ടാവില്ലെന്ന് അദ്ദേഹം പറഞ്ഞു.
ഈ ഓണം വറുതിയുടേത് ആകുമോ എന്ന് ചിലർക്ക് ആശങ്കയുണ്ട്. ഈ പ്രചാരണം ചിലരൊക്കെ വിശ്വസിച്ചു. ഓണം നല്ല രീതിയിൽ ആഘോഷിക്കാനുള്ള പിന്തുണ എല്ലാവരും നൽകാറുണ്ട്. ആശങ്ക ഉണ്ടാക്കാനുള്ള പൊളിവചനങ്ങൾ ശരിയായ രീതിയിൽ തിരിച്ചറിയണമെന്ന് മുഖ്യമന്ത്രി ആവശ്യപ്പെട്ടു.
ഓണം സന്തോഷത്തോടെ ആഘോഷിക്കാൻ കഴിയില്ല എന്ന പ്രചാരണം വലിയ തോതിൽ ഉണ്ടായി. എന്നാൽ അങ്ങനെയല്ല കേരളത്തിലെ സ്ഥിതി. തിരുവനന്തപുരം മുതൽ കാസർഗോഡ് വരെ ഓണം പ്രമാണിച്ചു വലിയ തിരക്കാണ് അനുഭവപ്പെടുന്നത്. ഓണം ആഘോഷിക്കാൻ ജനങ്ങൾ ആകെ തെരുവിലിറങ്ങിയിരിക്കുന്നു. ഉണ്ടാകില്ല എന്ന് നേരത്തെ പറഞ്ഞ എല്ലാ കാര്യങ്ങളും ആളുകൾക്ക് ലഭ്യമാക്കിയിരിക്കുന്നു. പ്രതിപക്ഷ പ്രചാരണം ശരിയല്ലെന്നു തെളിഞ്ഞു.
മലയാളി എവിടെയൊക്കെയുണ്ടോ അവിടെയെല്ലാം ഓണാഘോഷമുണ്ട്. എല്ലാവരും യാതൊരു ഭേദചിന്തയുമില്ലാതെ ഓണം ആഘോഷിക്കുന്നു. എല്ലാവരേയും ഒരുപോലെ കണ്ടുള്ള പ്രവർത്തനങ്ങൾ ആണ് കേരളത്തിൽ നടക്കുന്നത്.
Discussion about this post