അഞ്ച് പൈസ ചിലവില്ല; പച്ചവെള്ളം ഉപയോഗിച്ചും മുഖം കണ്ണാടിപോലെയാക്കാം; മാർഗങ്ങളിതാ

പെണ്ണായാലും ആണായാലും സൗന്ദര്യം ഒരു വലിയ പ്രശ്‌നമായി കരുതുന്നവരാണ് അധികവും. സൗന്ദര്യം കുറച്ചെങ്കിലും വർദ്ധിപ്പിക്കാനായി ബ്ല്യൂട്ടിപാർലറുകളും ക്ലിനിക്കുകളും കയറി ഇറങ്ങാൻ ഇന്ന് ആരും ഒരു മടിയും കാണിക്കാറില്ല. ആയിരങ്ങൾ മുതൽ ലക്ഷങ്ങൾ വരെ ചിലവഴിക്കാനും, പ്രത്യേകജീവിതശൈലി തന്നെ പിന്തുടരാനും തയ്യാറാണ്. എന്നാൽ അഞ്ച് പൈസ ചിലവില്ലാതെ ഒന്ന് ശ്രദ്ധിച്ചാൽ പച്ചവെള്ളം ഉപയോഗിച്ചും നമുക്ക് സൗന്ദര്യം കാത്തുസൂക്ഷിക്കാം. എങ്ങനെയാണന്നല്ലേ.

വെള്ളം കുടിക്കുന്നത്

ദിവസം 2.5 ലിറ്റർ മുതൽ മൂന്ന് ലിറ്റർ വരെ കുടിക്കുന്നത് ചർമ്മത്തിന്റെ ആരോഗ്യം കാത്ത് സൂക്ഷിക്കാൻ സഹായിക്കുന്നു. ചർമ്മത്തിന്റെ ഇലാസ്തികത നിലനിർത്താനും ചർമ്മത്തിൽ ചുളിവുകൾ വീഴാതെ നല്ലത് പോലെ യുവത്വം നിലനിർത്താനും ഈ വെള്ളംകുടിശീലം നല്ലതാണ്. ചർമ്മം വരണ്ട് പോകാതെ മോയ്സ്ച്വർ ചെയ്ത് നിലനിർത്തുന്നതിനും നല്ലതാണ്. ചർമ്മം ക്ലീനാക്കാനും ചർമ്മത്തിൽ നിന്നും അഴുക്ക് നീക്കം ചെയ്യാനും മുഖക്കുരു പ്രശ്നങ്ങൾ ഇല്ലാതാക്കാനും നല്ല ക്ലിയർ സ്‌കിൻ ലഭിക്കാനുമെല്ലാം വെള്ളം സഹായിക്കുന്നു.

ചർമ്മകോശങ്ങൾ പ്രധാനമായും വെള്ളത്തിൽ പൊതിഞ്ഞതാണ്. ഈ കോശങ്ങൾക്ക് ആവശ്യമായ അളവിൽ വെള്ളം ലഭിച്ചില്ലെങ്കിൽ, ചർമ്മം വരണ്ടുപോകുകയും തൊലി പൊഴിയാൻ തുടങ്ങുകയും ചുളിവുകൾ ഉണ്ടാകാനുള്ള സാധ്യത കൂടുതലാവുകയും ചെയ്യുന്നു. വെള്ളം നല്ലതുപോലെ കുടിക്കുന്നത് ഈ പ്രശ്‌നങ്ങളെ അകറ്റി നിർത്തുകയും കണ്ണിന് താഴഎയുള്ള കറുപ്പ് നിറം കുറയ്ക്കാനും സഹായിക്കുന്നു.

ആവി പിടിക്കുന്നത്

നല്ല പനിക്കോള് വരുമ്പോൾ നമ്മൾ ആവി പിടിക്കാറില്ലേ, ഇത് ചർമ്മത്തിന്റെ ആരോഗ്യത്തിന് നല്ലതാണ്. ആവിപിടിക്കുന്നതിലൂടെ ഇത് ചർമ്മപാളികളിലേയ്ക്ക് ഇറങ്ങി ചെന്ന് ചർമ്മത്തെ നല്ലപോലെ ക്ലെൻസ് ചെയ്ത് എടുക്കുകയും, അടഞ്ഞു കിടക്കുന്ന ചർമ്മ കോശങ്ങൾ തുറക്കുന്നതിന് സഹായിക്കുകയും ചെയ്യുന്നു. മുഖക്കുരു തടയാനും സെബം അമിതമായി ഉത്പാദിപ്പിക്കുന്നത് തടയാനും സഹായിക്കുന്നു. ബ്ലാക്ക് ഹെഡ്‌സ് , വൈറ്റ് ഹെഡ്‌സ് എന്നിവ കുറയ്ക്കുന്നതിനും ഇത് സഹായിക്കുന്നു. 5 മിനിറ്റ് മുതൽ 10 മിനിറ്റ് വരെ ആഴ്ചയിൽ രണ്ടോ മൂന്നോ തവണ ആവി പിടിച്ചാൽ മതിയാകും.

മുഖം കഴുകുന്നത്

തിളങ്ങുന്ന ചർമ്മം ലഭിക്കാൻ, അഴുക്ക് നീക്കം ചെയ്യാനും സുഷിരങ്ങൾ വൃത്തിയാക്കാനും നിങ്ങളുടെ മുഖം ദിവസവും 2-3 തവണ തണുത്ത വെള്ളത്തിൽ കഴുകേണ്ടതാണ്. സോപ്പില്ലാതെ തെളിഞ്ഞ വെള്ളത്തിൽ മുഖം കഴുകുക, മുഖത്തെ പൊടിയും മാലിന്യങ്ങളും നീക്കം ചെയ്യാൻ ഇത് സഹായിക്കും.

രാവിലെ എഴുന്നേറ്റ ഉടൻ

രാവിലെ എഴുന്നേറ്റ ഉടനെ കുറച്ച് തണുത്ത വെള്ളത്തിൽ മുഖം കഴുകുന്നത് ചർമ്മം നല്ല ക്ലിയറാകാനും തിളക്കം ലഭിക്കുന്നതിനും സഹായിക്കുന്നു. മുഖത്തേയ്ക്കുള്ള രക്തോട്ടം വർദ്ധിപ്പിക്കുകയും ഇത് ചർമ്മത്തിന് നല്ല തിളക്കം നൽകാൻ സഹായിക്കുകയും ചെയ്യുന്നു

ഐസ് ക്യൂബ്

ഇടയ്ക്ക് ഐസ് ക്യൂബ് ഉപയോഗിച്ച് മുഖത്ത് മസാജ് ചെയ്യുന്നത് ചർമ്മത്തിന് നല്ലതാണ്. സൺടാൻ അകറ്റാൻ ഇത് വളരെ നല്ലതാണ്. ചൂടുള്ള വെയിലിൽ നിന്ന് വരുമ്പോഴോ അധ്വാനത്തിന് ശേഷമോ വെള്ളം കുടിക്കുന്നത് ചർമ്മത്തിന് തിളക്കവും ജലാംശവും നൽകുന്നു.