തൃശ്ശൂർ: ഗുരുവായൂരപ്പന് വഴിപാടായി ചെറിയ രാമായണ ഗ്രന്ഥം സമർപ്പിച്ച് ഭക്തൻ. പുറനാട്ടുകര സ്വദേശി ആറ്റൂർ സന്തോഷ് കുമാറാണ് രാമായണം സമർപ്പിച്ചത്. ലോകത്തെ തന്നെ ആദ്യത്തെ സൂക്ഷ്മ സംക്ഷിപ്ത രാമായണമാണ് ഇത്.
രാവിലെ ക്ഷേത്രത്തിൽ നേരിട്ട് എത്തിയായിരുന്നു അദ്ദേഹം രാമായണം കൈമാറിയത്. പന്തീരടി പൂജക്ക് മുൻപായി ക്ഷേത്രം സോപാനപ്പടിയിലായിരുന്നു സമർപ്പണം.
5 മില്ലിമീറ്റർ നീളവും അത്ര തന്നെ വീതിയുമാണ് ഗ്രന്ഥത്തിന്റെ വലിപ്പം. ചെറിയ രാമായണം രചിച്ചതും സന്തോഷ് കുമാർ തന്നെയാണ്. ലോകത്തെ ആദ്യത്തെ സൂക്ഷ്മ സംക്ഷിപ്ത രാമായണമാണിതെന്ന് അദ്ദേഹം പറയുന്നു.
ഇത് വായിക്കാൻ 3 സെ.മി. നീളത്തിലും 3 സെ.മീ വീതിയിലും ഉള്ള മിനിച്ചേർ രൂപം ഉൾകൊള്ളുന്ന പുസ്തകവും സമർപ്പിച്ചിട്ടുണ്ട്. ചടങ്ങിൽ ക്ഷേത്രം ഡി.എ പി.മനോജ് കുമാർ, അസി.മാനേജർ സുശീല, തിരുപ്പൂർ ഉണ്ണിക്കൃഷ്ണൻ എന്നിവർ സന്നിഹിതരായി.
കഴിഞ്ഞം ദിവസം ഗുരുവായൂരപ്പനും അയ്യപ്പനും വഴിപാടായി രണ്ട് പൊന്നിൻ കിരീടങ്ങൾ ക്ഷേത്രത്തിന് ലഭിച്ചിരുന്നു. ഇതിന് പിന്നാലെയാണ് കുഞ്ഞൻ രാമായണം ലഭിക്കുന്നത്.
Discussion about this post