50 ഏകദിന സെഞ്ചുറികൾ നേടിക്കൊണ്ട് സച്ചിന്റെ റെക്കോർഡ് മറികടന്നിരിക്കുകയാണ് വിരാട് കോഹ്ലി. ഈ അസുലഭനിമിഷത്തിൽ വിരാട് കോഹ്ലിക്ക് അഭിനന്ദനങ്ങൾ അറിയിച്ച് ഹൃദയഹാരിയായ ഒരു കുറിപ്പ് പങ്കുവെച്ചിരിക്കുകയാണ് സച്ചിൻ. തന്റെ എക്സ് അക്കൗണ്ടിലൂടെയാണ് സച്ചിൻ കോഹ്ലിക്ക് അഭിനന്ദനങ്ങൾ അറിയിച്ചത്.
ഒരു ഇന്ത്യൻ ബാറ്റ്സ്മാൻ തന്റെ റെക്കോർഡ് മറികടന്നതിൽ സന്തോഷം ഉണ്ടെന്ന് സച്ചിൻ വ്യക്തമാക്കി. അതോടൊപ്പം തന്റെ പ്രിയപ്പെട്ട ഹോം ഗ്രൗണ്ട് ആയ വാംഖെഡെ സ്റ്റേഡിയത്തിൽ വച്ച് ഇത് ആ റെക്കോർഡ് മറികടക്കാൻ കഴിഞ്ഞതിൽ ഡബിൾ സന്തോഷം എന്ന് സച്ചിൻ വ്യക്തമാക്കി. ” അന്ന് ആദ്യമായി നിന്നെ ഇന്ത്യൻ ഡ്രസ്സിംഗ് റൂമിൽ വെച്ച് കണ്ടപ്പോൾ നീ എന്റെ കാലിൽ തൊട്ട് വണങ്ങിയതിന് മറ്റു കളിക്കാർ നിന്നെ കളിയാക്കി ചിരിച്ചു. അന്ന് എനിക്ക് ചിരി അടക്കാനായില്ല. എന്നാൽ താമസിയാതെ തന്നെ നിന്റെ അഭിനിവേശവും കഴിവും കൊണ്ട് നീ എന്റെ ഹൃദയത്തിൽ തൊട്ടു. അന്നത്തെ ആ കുട്ടി ഒരു ‘വിരാട്’ കളിക്കാരനായി വളർന്നതിൽ എനിക്ക് വളരെയേറെ സന്തോഷമുണ്ട്.
ഒരു ഇന്ത്യൻ കളിക്കാരൻ തന്നെ എന്റെ റെക്കോർഡ് തകർത്തത് എനിക്ക് വളരെ സന്തോഷമുണ്ട്. പ്രത്യേകിച്ചും അതൊരു ലോകകപ്പ് സെമിഫൈനൽ പോലെ ഒരു മത്സരത്തിൽ ആണെന്നുള്ളത് കൂടുതൽ സന്തുഷ്ടകരമാണ്. അതോടൊപ്പം തന്നെ എന്റെ പ്രിയപ്പെട്ട ഹോം ഗ്രൗണ്ട് ആയ വാംഖെഡെ സ്റ്റേഡിയത്തിൽ വച്ച് തന്നെ ഈ ചരിത്രം കുറിക്കപ്പെട്ടതിൽ എനിക്ക് ഇരട്ടി സന്തോഷമാണുള്ളത് ” എന്നാണ് സച്ചിൻ പോസ്റ്റ് ചെയ്തത്.
സച്ചിന്റെ അഭിനന്ദനങ്ങൾ സ്വപ്നം പോലെയാണ് തോന്നുന്നതെന്ന് വിരാട് കോഹ്ലി അറിയിച്ചു. ” ആ മഹാനായ മനുഷ്യൻ എന്നെ അഭിനന്ദിച്ചു. ശരിക്കും അതൊരു സ്വപ്നം പോലെ തോന്നുന്നു. അത് സത്യമാണ് എന്നുള്ളത് കൂടുതൽ നല്ലതാണ്. ഏറ്റവും പ്രധാനപ്പെട്ട കാര്യം എന്റെ ടീമിനെ വിജയിപ്പിക്കുക എന്നുള്ളതാണ്. ഈ ടൂർണമെന്റിൽ എനിക്ക് അതിനായി ഒരു അവസരം ലഭിച്ചു. സച്ചിൻ പാജിയും സ്റ്റേഡിയത്തിൽ ഉണ്ടായിരുന്നു. ഇതെല്ലാം ശരിക്കും അത്ഭുതകരമായി തോന്നുന്നു” എന്നാണ് വിരാട് കോഹ്ലി സമൂഹമാദ്ധ്യമങ്ങളിൽ പോസ്റ്റ് ചെയ്തത്.
