കണ്ണൂർ :കണ്ണൂരിലെ കർഷകന്റെ ആത്മഹത്യയ്ക്ക് പിന്നിൽ ലളിതമായ കാരണങ്ങൾ ആണെന്ന് എൽഡിഎഫ് കൺവീനർ ഇപി ജയരാജൻ.കാട്ടാന ശല്യത്തിൽ ആത്മഹത്യ ചെയ്യേണ്ട കാര്യമെന്താണെന്നും ജയരാജൻ ചോദിച്ചു. ഒരു കർഷകനും പെൻഷൻ ലഭിക്കാത്തതിനാൽ മരിക്കുമെന്ന് പറയാൻ കഴിയില്ല. ആത്മഹത്യാ കുറിപ്പിൽ സംശയമുണ്ട്. സംഭവത്തിൽ അന്വേഷണം ആവശ്യമാണെന്നും അദ്ദേഹം പറഞ്ഞു.
പി. അബ്ദുൾ ഹമീദിനെതിരെ മലപ്പുറത്ത് പോസ്റ്റർ പതിച്ചത് കോൺഗ്രസാണ്. കേരള ബാങ്ക് ഡയറക്ടർ ബോർഡ് അംഗത്വം ഏറ്റെടുത്ത ലീഗിന്റെ നിലപാട് സ്വാഗതാർഹമാണ്. ഇക്കാര്യത്തിൽ ലീഗിൽ ഒരു പ്രശ്നങ്ങളും ഇല്ല. പ്രശ്നം മുഴുവൻ കോൺഗ്രസിനാണെന്നും ജയരാജൻ പറഞ്ഞു.
കേരളത്തിൽ നടക്കുന്ന നവകേരള യാത്ര മറ്റു സംസ്ഥാനങ്ങൾ മാതൃകയാക്കണം. നവകേരള സദസ് ബഹിഷ്കരിച്ചാൽ നഷ്ടം ഉണ്ടാകുന്നത് യുഡിഎഫ് ന് മാത്രമാണ്.ജനങ്ങൾക്ക് പ്രശ്നങ്ങൾ അവതരിപ്പിക്കാനുള്ള അവസരം നിഷേധിച്ചാൽ ജനങ്ങൾ യു ഡി എഫിനെതിരെ തിരിയുമെന്നും ജയരാജൻ കൂട്ടിച്ചേർത്തു.
