സന്ദേശങ്ങൾ കൈമാറുന്നതിന് അപ്പുറം വിവിധ ആവശ്യങ്ങൾക്കായി ഇന്ന് നാം സമൂഹമാദ്ധ്യമങ്ങൾ ഉപയോഗിച്ച് വരുന്നു. വാട്സ്ആപ്പ് ഫോണിൽ ഡൗൺലോഡ് ചെയ്ത് അക്കൗണ്ട് എടുത്ത ആളുകളാണ് പരസ്പരം വാട്സ്ആപ്പിലൂടെ കമ്യൂണിക്കേറ്റ് ചെയ്യുന്നത്. മെസഞ്ചറിന്റെയും ടെലിഗ്രാമിന്റെയും കാര്യം ഇങ്ങനെ തന്നെ.
വാട്സ്ആപ്പിൽനിന്ന് മെസഞ്ചറിലേക്ക് സന്ദേശം അയക്കാൻ കഴിയുമോ? ഇല്ലെന്നാകും ഉത്തരം. എന്നാൽ സംഗതി അടിമുടി മാറാൻ പോകുകയാണ്. ടെലിഗ്രാം, മെസഞ്ചർ, സ്കൈപ്, സിഗ്നൽ, സ്നാപ് തുടങ്ങിയ മറ്റു ആപ്പുകളിലേക്ക് സന്ദേശമയക്കാൻ കഴിയുന്ന രീതിയിൽ ക്രോസ് ആപ്പ് ചാറ്റ് സൗകര്യമൊരുക്കാൻ തയാറെടുക്കുകയാണ് വാട്സ്ആപ്പ്
ആദ്യഘട്ടത്തിൽ ഗ്രൂപ്പ് ചാറ്റുകളും കാളുകളും ലഭ്യമായേക്കില്ല. മറ്റു ആപ്പുകളിൽനിന്നുള്ള സന്ദേശം വാട്സ്ആപ്പ്് വേറെത്തന്നെ സൂക്ഷിക്കും. ഇത് ‘തേഡ് പാർട്ടി ചാറ്റ്സ്’ എന്ന പ്രത്യേകം സെക്ഷനിലാണ് കാണിക്കുക. മറ്റു ആപ്പുകളുടെ സമ്മതം അടക്കം ഇനിയും കടമ്പകളുള്ളതിനാൽ എന്നുമുതലാണ് ക്രോസ് ആപ്പ് ചാറ്റ് ലഭ്യമാകുകയെന്ന് പറയാനായിട്ടില്ല.
മാർച്ചിൽ കൂടുതൽ വിശദാംശങ്ങൾ ലഭ്യമാക്കുമെന്ന് വാട്സ്ആപ് എൻജിനീയറിങ് ഡയറക്ടർ ഡിക് ബ്രൂവെർ പറഞ്ഞു. ക്ലോസ്ഡ് പ്ലാറ്റ്ഫോം ആയ ആപ്പിളിന്റെ ഐ മെസേജ് പുതിയ നീക്കത്തോട് എന്ത് നിലപാട് സ്വീകരിക്കുമെന്നുള്ളത് ചോദ്യചിഹ്നമാണ്.
Discussion about this post