കണ്ണൂർ: മുൻ മാദ്ധ്യമ പ്രവർത്തകൻ എംവി നികേഷ് കുമാർ സിപിഎം പരിപാടിയിൽ. കണ്ണൂർ ജില്ലാ കമ്മിറ്റിയിലാണ് പങ്കെടുക്കാനായി അദ്ദേഹം എത്തിയിരിക്കുന്നത്. കമ്മിറ്റിയിലെ പ്രത്യേക ക്ഷണിതാവാണ് അദ്ദേഹം എന്നാണ് വിവരം.
അടുത്തിടെ മാദ്ധ്യമ പ്രവർത്തനം അവസാനിപ്പിച്ച നികേഷ് കുമാർ രാഷ്ട്രീയത്തിൽ സജീവമാകുമെന്ന് അറിയിച്ചിരുന്നു. ഇതിന് പിന്നാലെയാണ് കമ്മിറ്റിയിൽ പങ്കെടുക്കാൻ എത്തിയത്. എൽഡിഎഫ് സ്ഥാനാർത്ഥിയായി തിരഞ്ഞെടുപ്പിൽ അദ്ദേഹം മത്സരിച്ചിട്ടുമുണ്ട്. വരും ദിവസങ്ങളിലും സിപിഎമ്മിന്റെ പരിപാടികളിൽ നികേഷ് കുമാർ സജീവ സാന്നിദ്ധ്യം ആകുമെന്നാണ് സൂചന.
മാസങ്ങൾക്ക് മുൻപായിരുന്നു മാദ്ധ്യമ പ്രവർത്തനം അവസാനിപ്പിച്ചതായുള്ള അദ്ദേഹത്തിന്റെ പ്രഖ്യാപനം. റിപ്പോർട്ട് ചാനലിന്റെ എഡിറ്റർ ഇൻ ചീഫ് ആയിരുന്നു അദ്ദേഹം. 2011 ലായിരുന്നു റിപ്പോർട്ടർ ചാനലിന് തുടക്കം കുറിച്ചത്. രാഷ്ട്രീയത്തിൽ ഒരു കൈ നോക്കിയ നികേഷ് 2016 ൽ ആയിരുന്നു തിരഞ്ഞെടുപ്പിൽ മത്സരിച്ചത്. എന്നാൽ ലീഗ് സ്ഥാനാർത്ഥിയോട് പരാജയപ്പെടുകയായിരുന്നു.
