ഒരുലക്ഷം വരെ ശമ്പളം,ടിക്കറ്റും വിസയും താമസസൗകര്യവും ഫ്രീ; യുഎഇയിൽ സർക്കാർ ചെലവിൽ ജോലി നേടാം

കൊച്ചി; വീണ്ടും വിദേശ റിക്രൂട്ട്‌മെന്റ് നടത്താനൊരുങ്ങി സംസ്ഥാന സർക്കാരിന് കീഴിൽ പ്രവർത്തിക്കുന്ന പൊതുമേഖല സ്ഥാപനമായ ഒഡെപെക്ക്. യുഎിയിലേക്ക് ഇത്തവണ നടത്തുന്ന റിക്രൂട്ടാമെന്റിലേക്ക് പുരുഷന്മാർക്ക് മാത്രമാണ് അപേക്ഷിക്കാൻ സാധിക്കുക. ഇലക്ട്രിക്കൽ സൈറ്റ് എഞ്ചിനീയർമാർ, ഇലക്ട്രിക്കൽ ക്യുഎ ക്യുസി എഞ്ചിനീയർ, ഇലക്ട്രിക്കൽ സൂപ്പർവൈസർ/ ഫോർമാൻ എന്നീ ഒഴിവുകളാണ് റിപ്പോർട്ട് ചെയ്യപ്പെട്ടിരിക്കുന്നത്.

ബന്ധപ്പെട്ട മേഖലയിൽ ഒരു വർഷം പ്രവർത്തി പരിചയമുള്ളവരായിരിക്കണം അപേക്ഷകർ. മതിയായ യോഗ്യതയുള്ളവർ ബയോഡാറ്റ recruit@odepec.in എന്ന മെയിൽ ഐഡിയിലേക്ക് ഡിസംബർ 5 ന് മുമ്പായി അയക്കുക. തിരഞ്ഞെടുക്കപ്പെടുന്നവരുടെ താമസം,ഗതാഗതം, മെഡിക്കൽ ഇൻഷൂറൻസ്, രണ്ട് വർഷത്തിലൊരിക്കൽ വിമാനടിക്കറ്റ് എന്നിവ കമ്പനി നൽകും.

15 ഒഴിവുകളാണ് ഇലക്ട്രിക്കൽ സൈറ്റ് എഞ്ചിനീയർ വിഭാഗത്തിലുണ്ട്. 2500 മുതൽ 4500 യുഎഇ ദിർഹം വരെയാണ് ശമ്പളം. അതായത് 57371 മുതൽ 103268 വരെ ഇന്ത്യൻ രൂപ. ദുബായിലെ പ്രശസ്തമായ വാണിജ്യ, റെസിഡൻഷ്യൽ പ്രോജക്ടുകളിലേക്കായിരിക്കും നിയമനം. ബി.ടെക് അല്ലെങ്കിൽ തത്തുല്യ സർട്ടിഫിക്കറ്റ് യോഗ്യതയുണ്ടായിരിക്കണം. അതോടൊപ്പം ബന്ധപ്പെട്ട മേഖലയിൽ പ്രവർത്തി പരിചയവും.30 വയസാണ് പ്രായപരിധി.

ഇലക്ട്രിക്കൽ ക്യുഎ ക്യുസി എഞ്ചിനീയർ- ഒഴിവുകളുടെ എണ്ണം 10. ശമ്പളം 2500 മുതൽ 4500 യുഎഇ ദിർഹം വരെ. ദുബായിലെ വാണിജ്യ, റസിഡൻഷ്യൽ ടവർ പ്രോജക്ടുകളിലേക്കാണ് നിയമം. ഇലക്ട്രിക്കൽ രംഗത്ത് ഗുണമേന്മ ഉറപ്പുനൽകുന്നതിനെക്കുറിച്ചും കൺട്രോളിങ് പ്രക്രിയകളെക്കുറിച്ചുമുള്ള ശക്തമായ ധാരണയും ഉദ്യോഗാർത്ഥികൾക്ക് ഉണ്ടായിരിക്കണം. ബി.ടെക് അല്ലെങ്കിൽ തത്തുല്യ സർട്ടിഫിക്കറ്റാണ് അടിസ്ഥാന വിദ്യാഭ്യാസ യോഗ്യത. 28 വയസ്സിൽ താഴെയാണ് പ്രായപരിധി

ഇലക്ട്രിക്കൽ സൂപ്പർവൈസർ

ഒഴിവുകളുടെ എണ്ണം 20. ശമ്പളം 2500 മുതൽ 4500 യുഎഇ ദിർഹം. അപേക്ഷിക്കുന്നവർക്ക് സമാനമായ മേഖലയിൽ കുറഞ്ഞത് 7 വർഷത്തെ പരിചയവും, ഡിപ്ലോമ അല്ലെങ്കിൽ തത്തുല്യ സർട്ടിഫിക്കറ്റും വേണം. പ്രായപരിധി: 35 വയസ്സിൽ താഴെ

ഇത് കൂടാതെ ഇൻഡസ്ട്രിയൽ മേഖലയിലേക്ക് പുരുഷ നഴ്‌സുമാരുടെ നിയനവും നടത്തുന്നുണ്ട്. നഴ്‌സിംഗ് ബിരുദവും ഐസിയു, എമർജൻസി, അർജൻറെ കെയർ, ക്രിട്ടിക്കൽ കെയർ, ഓയിൽ ആൻഡ് ഗ്യാസ് നഴ്‌സിങ് എന്നീ മേഖലകളിലേതിലെങ്കിലും രണ്ടു വർഷത്തിൽ കുറയാത്ത പ്രവൃത്തി പരിചയവും ഉണ്ടായിരിക്കണം. 40 വയസ്സിൽ താഴെ പ്രായമുള്ളവർക്കാണ് അപേക്ഷിക്കാനാകുക. 5000 ദിർഹമാണ് ശമ്പളം. വിസ, എയർ ടിക്കറ്റ്, താമസ സൗകര്യം, മെഡിക്കൽ ഇൻഷുറൻസ് എന്നിവ സൗജന്യമാണ്.
താല്പര്യമുള്ള ഉദ്യോഗാർത്ഥികൾ ബയോഡേറ്റ, പാസ്സ്‌പോർട്, വിദ്യാഭ്യാസ യോഗ്യത, രജിസ്‌ട്രേഷൻ, പ്രവൃത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകളും പകർപ്പുകളും സഹിതം 2024 ഡിസംബർ 8 ഞായറാഴ്ച രാവിലെ 8:30 മണിക്കും 10 മണിക്കും ഇടയിൽ ODEPC training centre, Floor 4, Tower 1, Inkel Business Park, Angamaly എന്ന വിലാസത്തിൽ എത്തിച്ചേരേണ്ടതാണ്. കൂടുതൽ വിവരങ്ങൾക്ക് www.odepc.kerala.gov.in എന്ന വെബ് സൈറ്റ് സന്ദർശിക്കുക. ഫോൺ: 0471-2329440/41/42 /45 / 7736496574