കാസർകോട്: പെരിയയിൽ യൂത്ത് കോൺഗ്രസ് പ്രവർത്തകരെ കൊലപ്പെടുത്തിയ കേസിലെ പ്രതികളെ രക്ഷിക്കാനുള്ള നിയമ പോരാട്ടത്തിന് വീണ്ടും പണപ്പിരിവ് നടത്താൻ സിപിഎം. പാർട്ടി അംഗങ്ങളോട് 500 രൂപ വീതം നൽകാനാണ് നേതൃത്വം നൽകിയിരിക്കുന്ന നിർദ്ദേശം. വക്കീൽ ഫീസും നിയമ നടപടികൾക്കായുള്ള മറ്റ് ചിലവുകളും കണ്ടെത്തുന്നതിന് വേണ്ടിയാണ് പണപ്പിരിവ് നടത്തുന്നത്.
ജോലിക്കാരായ സിപിഎം നേതാക്കൾ ഒരു ദിവസത്തെ ശമ്പളം ആണ് നൽകേണ്ടത്. പാർട്ടി നിയന്ത്രണത്തിലുള്ള സഹകരണ സ്ഥാപനങ്ങളിൽ ജോലി ചെയ്യുന്നവരും ഒരു ദിവസത്തെ ശമ്പളം നൽകണം. സ്‌പെഷൽ ഫണ്ടെന്ന പേരിലാണ് പണപ്പിരിവ്.
ശിക്ഷിക്കപ്പെട്ട നേതാക്കൾ അടക്കമുള്ളവർക്കായി നിയമപോരാട്ടം നടത്താനുള്ള പണമാണ് പിരിവ് വഴി കണ്ടെത്തുന്നത്. നിയമ പോരാട്ടം പൂർത്തിയാകുമ്പോഴേയ്ക്കും ഏകദേശം രണ്ട് കോടി രൂപയോളം ചിലവാകും എന്നാണ് നേതൃത്വം വിലയിരുത്തുന്നത്. അതുകൊണ്ട് തന്നെ ഇത്രയും തുക പണപ്പിരിവിലൂടെ സമാഹരിക്കാനാണ് പാർട്ടിയുടെ തീരുമാനം.
Discussion about this post