പാലക്കാട്: സിപിഐഎം കേന്ദ്ര കമ്മിറ്റി അംഗം എ കെ ബാലന് രൂക്ഷ വിമർശനം. പാലക്കാട് ജില്ലാസമ്മേളനത്തിലാണ് വിമർശനം. സന്ദീപ് വാര്യർ ബിജെപി വിട്ടപ്പോൾ നടത്തിയ പരാമർശം ആണ് വിമർശനത്തിന് കാരണം ആയത്. സന്ദീപ് വാര്യർ ക്രിസ്റ്റൽ ക്ലിയർ സഖാവാകും’ എന്ന പരാമർശംവെള്ളം തിളയ്ക്കും മുൻപ് അരിയിടുന്നതിന് തുല്യമായെന്നായിരുന്നു വിമർശനം.
ഈനാംപേച്ചി, മരപ്പട്ടി പരാമർശങ്ങളിലൂടെ ബാലൻ പാർട്ടിയെ ജനങ്ങൾക്കിടയിൽപരിഹാസ്യമാക്കിയെന്നും ജില്ലാ സമ്മേളനത്തിൽ ആരോപണമുയർന്നു. സ്വന്തം പാർട്ടിയെഅണികൾക്കിടയിൽ ആത്മവിശ്വാസമില്ലാതെ ഇകഴ്ത്തിക്കാട്ടി. മോന്തായം വളഞ്ഞാൽ കഴുക്കോലുംവളയും. അക്കാര്യം മുതിർന്ന സഖാക്കൾ മറന്നുപോവരുതെന്നും സിപിഐഎം ജില്ലാ സമ്മേളനത്തിലെപ്രതിനിധി ചർച്ചയിൽ ഓർമപ്പെടുത്തി.
നേരത്തെ ലോകസഭാ തെരഞ്ഞെടുപ്പിൽ ശക്തമായ മത്സരം കാഴ്ചവെച്ച് പാര്‍ട്ടി ചിഹ്നംസംരക്ഷിക്കണമെന്നും ദേശീയപാര്‍ട്ടി പദവി നഷ്ടപ്പെട്ടാല്‍ അടുത്ത തെരഞ്ഞെടുപ്പില്‍ ചിഹ്നംനഷ്ടമാകുമെന്നും ഈനാംപേച്ചി, നീരാളി, മരപ്പട്ടി പോലുള്ള ചിഹ്നങ്ങളാകും തെരഞ്ഞെടുപ്പ് കമ്മീഷന്‍അനുവദിക്കുകയെന്നുമായിരുന്നു ബാലന്റെ പരാമർശം.
