വാഷിംഗ്ടൺ : ഇറാന്റെ പുതിയ പരമോന്നത നേതാവായി തിരഞ്ഞെടുക്കപ്പെട്ട മൊജ്തബ ഖമേനിക്കെതിരെ ഭീഷണിയുമായി യുഎസ് പ്രസിഡണ്ട് ഡൊണാൾഡ് ട്രംപ്. ഇറാന്റെ പുതിയ പരമോന്നത നേതാവിന് അധികം ജീവിച്ചിരിക്കാൻ കഴിയുമെന്ന് താൻ കരുതുന്നില്ല എന്ന് ട്രംപ് അഭിപ്രായപ്പെട്ടു. അദ്ദേഹത്തിന് ഒരിക്കലും സമാധാനത്തോടെ ജീവിക്കാൻ കഴിയില്ല എന്നും ട്രംപ് സൂചിപ്പിച്ചു.
ഇറാന്റെ പരമോന്നത നേതാവായി മൊജ്തബ ഖമേനിയെ നിയമിച്ചതിനെ ട്രംപ് അപലപിച്ചു, അത് അംഗീകരിക്കാനാവില്ലെന്നും യുഎസുമായുള്ള സംഘർഷം വർദ്ധിപ്പിക്കുമെന്നും ട്രംപ് വ്യക്തമാക്കി. മൊജ്തബ ഖമേനിയെ ഇറാൻ പുതിയ പരമോന്നത നേതാവായി തിരഞ്ഞെടുത്തതിൽ താൻ അസന്തുഷ്ടനാണ് എന്നായിരുന്നു ഫോക്സ് ന്യൂസിന് നൽകിയ ഒരു അഭിമുഖത്തിൽ ട്രംപ് സൂചിപ്പിച്ചത്. ഇറാനിലേക്ക് ഐക്യവും സമാധാനവും കൊണ്ടുവരുന്ന ഒരു നേതാവിനെ ആയിരുന്നു തിരഞ്ഞെടുക്കേണ്ടിയിരുന്നത് എന്നും ട്രംപ് വ്യക്തമാക്കി.
