ഡൽഹി: ഉംപുൻ ചുഴലിക്കാറ്റ് നാശം വിതച്ച പശ്ചിമ ബംഗാളിനും ഒഡിഷക്കും എല്ലാവിധ പിന്തുണയും വാഗ്ദാനം ചെയ്ത് പ്രധാനമന്ത്രി നരേന്ദ്ര മോദി. ഇരു സംസ്ഥാനങ്ങൾക്കും ഒപ്പം നിൽക്കുന്നുവെന്നും സാധാരണ ജനജീവിതം പുനസ്ഥാപിക്കാൻ സാദ്ധ്യമായതെല്ലാം ചെയ്യുമെന്നും അദ്ദേഹം ട്വീറ്റ് ചെയ്തു.
‘ഉംപുൻ ചുഴലിക്കാറ്റിനോട് ധീരമായി പൊരുതുന്ന ഒഡിഷയിലെ ജനങ്ങൾക്കൊപ്പം ഞാൻ ഉറച്ച് നിൽക്കുന്നു. ദുരന്തബാധിതർക്ക് എല്ലാവിധ സഹായങ്ങളും ഉറപ്പ് വരുത്താൻ അധികൃതർ ആത്മാർത്ഥമായി പരിശ്രമിക്കുകയാണ്. സാഹചര്യം എത്രയും വേഗം മെച്ചപ്പെടുമെന്ന് പ്രത്യാശിക്കുന്നു‘; പ്രധാനമന്ത്രി ട്വീറ്റ് ചെയ്തു.
My thoughts are with the people of Odisha as the state bravely battles the effects of Cyclone Amphan. Authorities are working on the ground to ensure all possible assistance to the those affected. I pray that the situation normalises at the earliest.
— Narendra Modi (@narendramodi) May 21, 2020
‘ഉംപുൻ ചുഴലിക്കാറ്റ് പശ്ചിമ ബംഗാളിൽ വരുത്തിവെച്ച നാശനഷ്ടങ്ങൾ ശ്രദ്ധയിൽ പെട്ടു. വെല്ലുവിളിയുടെ ഈ ഘട്ടത്തിൽ രാജ്യം മുഴുവൻ പശ്ചിമ ബംഗാളിനൊപ്പം നിൽക്കുന്നു. സംസ്ഥാനത്തെ ജനങ്ങളുടെ ക്ഷേമത്തിനായി പ്രാർത്ഥിക്കുകയാണ്. ജനനീവിതം സുഗമമാക്കാൻ വേണ്ടതെല്ലാം ചെയ്യും‘. അദ്ദേഹം വ്യക്തമാക്കി.
Have been seeing visuals from West Bengal on the devastation caused by Cyclone Amphan. In this challenging hour, the entire nation stands in solidarity with West Bengal. Praying for the well-being of the people of the state. Efforts are on to ensure normalcy.
— Narendra Modi (@narendramodi) May 21, 2020
ദുരന്തബാധിത മേഖലകളിൽ ദേശീയ ദുരന്ത നിവാരണ സേന പരിശ്രമിക്കുകയാണ്. ഉന്നത ഉദ്യോഗസ്ഥർ സ്ഥിതിഗതികൾ കൃത്യമായി വിലയിരുത്തുകയും പശ്ചിമ ബംഗാൾ സർക്കാരുമായി സഹകരിച്ച് പ്രവർത്തനങ്ങൾ ഏകോപിപ്പിക്കുകയുമാണ്. ദുരന്ത ബാധിതരെ സഹായിക്കുന്ന കാര്യത്തിൽ ഒരു വീഴ്ചയും പാടില്ലെന്നും പ്രധാനമന്ത്രി നരേന്ദ്ര മോദി കർശന നിർദ്ദേശം നൽകി.
NDRF teams are working in the cyclone affected parts. Top officials are closely monitoring the situation and also working in close coordination with the West Bengal government.
No stone will be left unturned in helping the affected.
— Narendra Modi (@narendramodi) May 21, 2020
അതേസമയം ഉംപുൻ ചുഴലിക്കാറ്റ് വ്യാപകനാശം വിതച്ച ഒഡിഷയിലെയും പശ്ചിമ ബംഗാളിലെയും സ്ഥിതിഗതികൾ ക്യാബിനറ്റ് സെക്രട്ടറി രാജീവ് ഗൗബ വിശദമായി വിലയിരുത്തി.
