ന്യൂഡൽഹി : രാജ്യത്ത് കോവിഡിൽ നിന്നും രോഗമുക്തി നേടിയവരുടെ നിരക്കിൽ വൻ വർദ്ധനവ്.രോഗമുക്തി നേടി ആശുപത്രി വിട്ടവരുടെ നിരക്ക് 77 ശതമാനമായെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി.കഴിഞ്ഞ 24 മണിക്കൂറിനിടെ 65,081 പേർക്കാണ് കോവിഡ് ഭേദമായത്.ഇതോടെ രാജ്യത്താകെ രോഗമുക്തി നേടിയവരുടെ എണ്ണം 27,39,882 ആയി ഉയർന്നു.
ജൂലൈ ഒന്നു മുതൽ ഒരാഴ്ച വരെയുള്ള കാലയളവിൽ രോഗമുക്തി നേടിയിരുന്നത് പതിനയ്യായിരത്തോളം ആളുകളായിരുന്നു.എന്നാൽ, കഴിഞ്ഞയാഴ്ച ഇത് 62,000 ആയി ഉയർന്നതായി കേന്ദ്ര സർക്കാരിന്റെ കണക്കുകൾ സൂചിപ്പിക്കുന്നു.ഓരോ ദിവസവും രോഗമുക്തി നേടിയവരുടെയെണ്ണത്തിൽ വർദ്ധനവുണ്ടാകുന്നത് രാജ്യത്തിനു പ്രതീക്ഷ നൽകുന്നുണ്ട്.ഘട്ടംഘട്ടമായാണ് രോഗമുക്തി നേടിയവരുടെ എണ്ണം ഉയർന്നത്.ഇപ്പോൾ രാജ്യത്ത് കോവിഡ് ബാധിച്ചു ചികിത്സയിലുള്ളത് 7,85,996 പേരാണ്. ഇതിന്റെ 3.61 മടങ്ങു പേരാണ് രോഗമുക്തി നേടിയത്.
