ന്യൂഡല്‍ഹി: കേന്ദ്ര ബജറ്റ് ദിനത്തില്‍ ഇന്ത്യന്‍ ഓഹരി വിപണികള്‍ നേട്ടത്തോടെ വ്യാപാരം തുടങ്ങി. ബോംബെ സൂചിക സെന്‍സെക്സും ദേശീയ സൂചിക നിഫ്റ്റിയും നേട്ടത്തോടെയാണ് വ്യാപാരം തുടങ്ങിയത്. 400 പോയിന്‍റ് നേട്ടത്തോടെയാണ് സെന്‍സെക്സ് വ്യാപാരം ആരംഭിച്ചത്. നിഫ്റ്റി വീണ്ടും 13,700 പോയിന്‍റിലേക്ക് കയറി.നിഫ്റ്റിയില്‍ സ്വകാര്യ ബാങ്കുകളുടെ ഇന്‍ഡക്സ് രണ്ട് ശതമാനത്തോളം ഉയര്‍ന്നു.
കഴിഞ്ഞ ദിവസങ്ങളില്‍ നഷ്ടം രേഖപ്പെടുത്തിയ വിപണി ബജറ്റ് ദിനത്തിലാണ് നേട്ടത്തിലേക്ക് തിരിച്ചെത്തുന്നത്. കോവിഡ് മൂലം പ്രതിസന്ധിയിലായ സമ്പദ്വ്യവസ്ഥയെ കരകയറ്റുന്നതിനുള്ള പ്രഖ്യാപനങ്ങള്‍ ബജറ്റിലുണ്ടാവുമെന്ന പ്രതീക്ഷയാണ് വിപണിയേയും സ്വാധീനിക്കുന്നത്.
ഇന്‍ഡസ്ലാന്‍ഡ് ബാങ്ക്, ഐ.സി.ഐ.സി.ഐ ബാങ്ക്, ടൈറ്റന്‍, എച്ച്‌.ഡി.എഫ്.സി, ഇന്‍ഫോസിസ് തുടങ്ങിയ കമ്ബനികളെല്ലാം നേട്ടത്തോടെയാണ് വ്യാപാരം നടത്തുന്നത്. ഐ.സി.ഐ.സി.ഐയുടെ വില അഞ്ച് ശതമാനത്തോളമാണ് ഉയര്‍ന്നത്. ഡോ. റെഡ്ഡീസ്, ടെക് മഹീന്ദ്ര, ടാറ്റ കണ്‍സള്‍ട്ടന്‍സി സര്‍വീസ് തുടങ്ങിയ കമ്പനികൾ നേരിയ നഷ്ടം രേഖപ്പെടുത്തി.
