ഡൽഹി: വാക്സിൻ വിലയെക്കുറിച്ച് പ്രതിപക്ഷ പാർട്ടികളുടെയും ചില മാധ്യമങ്ങളുടെയും നേതൃത്വത്തിൽ രാജ്യവ്യാപകമായി നുണപ്രചാരണങ്ങൾ നടക്കുന്നതിനിടെ ഇക്കാര്യത്തിൽ സ്ഥിരീകരണവുമായി കേന്ദ്ര ആരോഗ്യ മന്ത്രാലയം. രാജ്യത്ത് വിതരണം ചെയ്യുന്ന രണ്ട് കൊവിഡ് വാക്സിനുകളും ഡോസ് ഒന്നിന് 150 രൂപ നിരക്കിൽ സംഭരിച്ച് സംസ്ഥാന സർക്കാരുകൾക്ക് തികച്ചും സൗജന്യമായാണ് നൽകി വരുന്നതെന്ന് കേന്ദ്ര ആരോഗ്യ മന്ത്രി ഡോക്ടർ ഹർഷവർദ്ധൻ വ്യക്തമാക്കി.
It is clarified that Govt of India’s procurement price for both #COVID19 vaccines remains Rs 150 per dose.
GOI procured doses will continue to be provided TOTALLY FREE to States.@PMOIndia @drharshvardhan @AshwiniKChoubey @DDNewslive @PIB_India @mygovindia https://t.co/W6SKPAnAXw
— Ministry of Health (@MoHFW_INDIA) April 24, 2021
കൊവിഷീൽഡ് വാക്സിൻ സിറം ഇൻസ്റ്റിറ്റ്യൂട്ട് രാജ്യത്തെ ആശുപത്രികൾക്ക് ഡോസ് ഒന്നിന് 600 രൂപയ്ക്കാണ് നൽകുന്നതെന്നും ഇത് ലോകത്തിലെ ഏറ്റവും ഉയർന്ന നിരക്കാണെന്നും ചില മാധ്യമങ്ങൾ വ്യാജവാർത്ത പ്രചരിപ്പിച്ചിരുന്നു. ഈ പശ്ചാത്തലത്തിലാണ് ഔദ്യോഗിക വിശദീകരണം സ്ഥിരീകരിച്ച് കേന്ദ്ര ആരോഗ്യ മന്ത്രാലയം രംഗത്തെത്തിയിരിക്കുന്നത്. കേന്ദ്ര ആരോഗ്യ കുടുംബക്ഷേമ മന്ത്രാലയം ട്വിറ്ററിലൂടെയാണ് ഇക്കാര്യം വ്യക്തമാക്കിയിരിക്കുന്നത്.
കേന്ദ്ര സർക്കാരിന്റെ ഔദ്യോഗിക വിശദീകരണത്തോടെ വ്യാജവാർത്ത നൽകിയ മാധ്യമങ്ങൾ വെട്ടിലായിരിക്കുകയാണ്. അതേസമയം രാജ്യത്ത് കൊവിഡ് വാക്സിൻ വിതരണത്തിന്റെ മൂന്നാം ഘട്ടം മെയ് 1ന് തന്നെ ആരംഭിക്കും. 18 വയസ്സിന് മുകളിലുള്ളവർക്കാണ് ഈ ഘട്ടത്തിൽ വാക്സിൻ നൽകുക. ഇതിനുള്ള രജിസ്ട്രേഷൻ ഇന്ന് ആരംഭിക്കും.
