ഡൽഹി: ശ്രീനഗർ ഭീകരാക്രമണത്തിന്റെ വിശദാംശങ്ങൾ ആരാഞ്ഞ് പ്രധാനമന്ത്രി നരേന്ദ്ര മോദി. ഭീകരാക്രമണത്തിൽ വീരമൃത്യു വരിച്ച പൊലീസുകാരുടെ കുടുംബാംഗങ്ങളെ അദ്ദേഹം അനുശോചനം അറിയിച്ചു.
PM @narendramodi has sought details on the terror attack in Jammu and Kashmir. He has also expressed condolences to the families of those security personnel who have been martyred in the attack.
— PMO India (@PMOIndia) December 13, 2021
ശ്രീനഗറിലെ പൊലീസ് ക്യാമ്പിന് സമീപത്ത് നിർത്തിയിട്ടിരുന്ന പൊലീസ് ബസിന് നേർക്കാണ് ഭീകരർ ആക്രമണം നടത്തിയത്. ബസിന് നേർക്ക് ഭീകരർ തുടർച്ചയായി വെടിയുതിർക്കുകയായിരുന്നു എന്നാണ് റിപ്പോർട്ട്. ആക്രമണത്തിൽ 3 പൊലീസുകാർ വീരമൃത്യു വരിച്ചു.
പതിനൊന്ന് പൊലീസുകാർക്ക് പരിക്കേറ്റു. പരിക്കേറ്റ മുഴുവൻ പൊലീസുകാരെയും ആശുപത്രിയിൽ പ്രവേശിപ്പിച്ചിരിക്കുകയാണ്. സൈന്യം പ്രദേശത്തിന്റെ നിയന്ത്രണം ഏറ്റെടുത്തു. ഭീകരർക്കായി തിരച്ചിൽ ശക്തമാക്കിയിരിക്കുകയാണ്.
