വാഹന പ്രേമികളുടെ മനം കുളിര്‍പ്പിക്കുന്ന റിപ്പോര്‍ട്ടുകള്‍ ആണ് ഇപ്പോള്‍ പുറത്ത് വരുന്നത്. ഈ വര്‍ഷം അവസാനത്തോടെ ജീപ്പ് ഇന്ത്യ മുഴുവൻ ലൈനപ്പിലും ആകർഷകമായ കിഴിവുകൾ വാഗ്ദാനം ചെയ്യുന്നുവെന്ന് റിപ്പോര്‍ട്ട്. കോമ്പസ്, മെറിഡിയൻ എസ്‌യുവികള്‍ വാങ്ങുമ്പോള്‍ നിങ്ങള്‍ക്ക് 4.95 ലക്ഷം രൂപ വരെ ലാഭിക്കാം.
അതേസമയം, കമ്പനിയുടെ മുൻനിര ഗ്രാൻഡ് ചെറോക്കി എസ്‌യുവിയിൽ 12 ലക്ഷം രൂപ വരെയാണ് ഉപഭോക്താക്കൾക്ക് വിലക്കിഴിവ് വാഗ്ദാനംചെയ്യുന്നത്.
ഈ വർഷം അവസാനത്തോടെ, ജീപ്പ് അതിൻ്റെ ഗ്രാൻഡ് ചെറോക്കി എസ്‌യുവിക്ക് 12 ലക്ഷം രൂപ വരെ കിഴിവ് വാഗ്ദാനം ചെയ്യുന്നു. 67.50 ലക്ഷം രൂപ വിലയുള്ള പൂർണ്ണ ലോഡഡ് ലിമിറ്റഡ് (O) ട്രിമ്മിൽ മാത്രമേ എസ്യുവി ലഭ്യമാകൂ. 272 എച്ച്‌പി പവറും 400 എൻഎം പീക്ക് ടോർക്കും സൃഷ്ടിക്കാൻ കഴിവുള്ള 2.0 ലിറ്റർ, 4 സിലിണ്ടർ ടർബോ പെട്രോൾ എഞ്ചിന്‍ ഗ്രാൻഡ് ചെറോക്കിക്ക് കരുത്തേകും.
ജീപ്പ് കോമ്പസിൻ്റെ തിരഞ്ഞെടുത്ത വേരിയൻ്റുകളിലും കമ്പനി വമ്പന്‍ വിലക്കിഴിവ് വാഗ്ദാനം ചെയ്യുന്നുണ്ട്. 3.15 ലക്ഷം രൂപ വരെയാണ് ഇതിൽ നിങ്ങള്‍ക്ക് ലഭിക്കാന്‍ കഴിയുക.
ഇതുകൂടാതെ, 2024 മോഡലുകൾക്ക് 1.40 ലക്ഷം രൂപയുടെ കോർപ്പറേറ്റ് കിഴിവും 15,000 രൂപയുടെ പ്രത്യേക ഓഫറും ജീപ്പ് വാഗ്ദാനം ചെയ്യുന്നു. മാനുവൽ, ഓട്ടോമാറ്റിക് ട്രാൻസ്മിഷൻ ഓപ്ഷനുകളുള്ള 2.0 ലിറ്റർ ഡീസൽ എഞ്ചിനിലാണ് കോമ്പസ് വരുന്നത്. ടോപ്പ്-സ്പെക്ക് മോഡൽ എസ് വേരിയൻ്റിന് മാത്രമേ 4×4 ഓപ്ഷൻ ലഭിക്കുന്നുള്ളൂ.
2024 മോഡലുകളിൽ വേരിയൻ്റിനെ ആശ്രയിച്ച് 2.80 ലക്ഷം രൂപ വരെ കിഴിവുകളും 1.85 ലക്ഷം രൂപ വരെ അധിക കോർപ്പറേറ്റ് ഓഫറുകളുമായാണ് ജീപ്പ് മെറിഡിയൻ എത്തുന്നത്. ഇതുകൂടാതെ, 30,000 രൂപയുടെ പ്രത്യേക ഓഫറും ഉണ്ട്, മൊത്തം 4.95 ലക്ഷം രൂപയോളം ആനുകൂല്യം നിങ്ങള്‍ക്ക് ലഭിക്കും. അടുത്തിടെ ജീപ്പ് എസ്‌യുവിയുടെ പുതിയ എൻട്രി ലെവൽ 5-സീറ്റർ പതിപ്പും അവതരിപ്പി വച്ചിരുന്നു. ഇതിൻ്റെ വില നിലവിൽ 24.99 ലക്ഷം രൂപയിൽ തുടങ്ങി 38.49 ലക്ഷം രൂപ വരെ ഉയര്‍ന്നിട്ടുണ്ട്.
