ദോഹ : ഖത്തറിന്റെ സൈനിക ഹെലികോപ്റ്റർ കടലിൽ തകർന്നുവീണു. സൈനിക ഹെലികോപ്റ്ററിലെ ജീവനക്കാർക്കും യാത്രക്കാർക്കും വേണ്ടി രക്ഷാപ്രവർത്തകർ തിരച്ചിൽ നടത്തുകയാണെന്ന് ഖത്തർ ഭരണകൂടം അറിയിച്ചു. സാങ്കേതിക തകരാർ ആയിരിക്കാം ഹെലികോപ്റ്റർ തകർന്നു വീണതിന്റെ കാരണം എന്നാണ് ഖത്തർ പ്രതിരോധ മന്ത്രാലയം വ്യക്തമാക്കുന്നത്.
നിരവധി പ്രത്യേക സംഘങ്ങളെ വിന്യസിച്ചിട്ടുണ്ടെന്ന് ആഭ്യന്തര മന്ത്രാലയം അറിയിച്ചു. ഹെലികോപ്റ്റർ എവിടെയാണ് പറന്നതെന്നോ അതിൽ എത്ര പേരുണ്ടായിരുന്നു എന്നോ ഖത്തർ വ്യക്തമാക്കിയിട്ടില്ല. നേരത്തെ പശ്ചിമേഷ്യൻ സംഘർഷവുമായി ബന്ധപ്പെട്ട് ഖത്തറിന്റെ സൈനിക ഹെലികോപ്റ്ററിന്റെ നേരെയുണ്ടായ ആക്രമണം ആണെന്ന രീതിയിൽ അഭ്യൂഹങ്ങൾ ഉണ്ടായിരുന്നു. എന്നാൽ ആക്രമണം നടന്നിട്ടില്ല എന്നാണ് ഖത്തർ പ്രതിരോധ മന്ത്രാലയം നൽകുന്ന സൂചന.
