തിരുവനന്തപുരം: മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിയെ പേടിയാണെന്ന് കോൺഗ്രസ് എം പി രാജ്മോഹൻ ഉണ്ണിത്താൻ. രാജാവിനെ കാണുമ്പോൾ കവാത്ത് മറക്കുമെന്ന് പറയുന്നത് പോലെയാണ് പിണറായിക്ക് മോദിയെ കാണുമ്പോഴെന്നും ഉണ്ണിത്താൻ പരിഹസിച്ചു.
മോദിയെ എന്തിനാണ് മുഖ്യമന്ത്രി പേടിക്കുന്നതെന്നും രാജ്‌മോഹന്‍ ഉണ്ണിത്താന്‍ ചോദിച്ചു. സിപിഎമ്മിന്റെ അടിസ്ഥാന പ്രത്യയശാസ്ത്രമായ വൈരുദ്ധ്യാന്മക ഭൗതികവാദത്തില്‍ പോലും മാറ്റങ്ങള്‍ വന്നുവെന്നും കണ്ണൂരില്‍ പിണറായി വിജയന് ശ്രീകൃഷ്ണന്റെ വേഷത്തില്‍ നില്‍ക്കുന്ന ചിത്രം സ്ഥാപിച്ചിരിക്കുകയാണെന്നും ഉണ്ണിത്താൻ പറഞ്ഞു.
മാണിയെ പരലോകത്തേക്ക് പറഞ്ഞയച്ചവരാണ് ഇപ്പോള്‍ പാലായില്‍ അദ്ദേഹത്തിന്റെ പ്രതിമ വെക്കുന്നത്. മാണി മനമുരുകിയാണ് മരിച്ചതെന്നും പ്രതിമ വെച്ചിട്ട് എന്താണ് കാര്യമെന്നും ഉണ്ണിത്താൻ ചോദിച്ചു. സ്വാകാര്യ മാധ്യമത്തിലായിരുന്നു രാജ്മോഹൻ ഉണ്ണിത്താന്റെ പ്രതികരണം.
