ശബരിമല: മീനമാസ പൂജകൾക്കായി ശബരിമല നട ഇന്ന് വൈകുന്നേരം 5 മണിക്ക് തുറക്കും. ഭക്തർക്ക് നാളെ മുതൽ മാത്രമേ ദർശന സൗകര്യം ഉള്ളൂ. വെർച്വൽ ക്യൂ വഴി ബുക്ക് ചെയ്ത് ദർശനത്തിനുള്ള പാസ് ലഭിച്ചവർക്ക് മാത്രമാണ് ഇക്കുറിയും ശബരിമലയിലേക്ക് പ്രവേശനം.
48 മണിക്കൂറിനുളളിൽ പരിശോധിച്ച ആർ.ടി.പി.സി.ആർ നെഗറ്റീവ് സർട്ടിഫിക്കറ്റും ദർശനത്തിന് നിർബന്ധമാണ്. ഇത്തവണ ദിവസേന പതിനായിരം പേർക്കാണ് പ്രവേശനം അനുവദിച്ചിരിക്കുന്നത്. മീനമാസ പൂജകൾക്ക് ശേഷം 19ന് ശബരിമലയിൽ ഉത്സവത്തിന് കൊടിയേറും.
27ന് രാത്രി പളളിവേട്ടയും 28ന് ഉച്ചയ്ക്ക് ശേഷം പമ്പയിൽ ആറാട്ടും നടക്കും. 28ന് രാത്രി ഹരിവരാസനം പാടി നട അടയ്ക്കും. പിന്നീട് വിഷുവിനായി ക്ഷേത്രനട ഏപ്രിൽ 10ന് വൈകുന്നേരം 5 മണിക്ക് തുറക്കും.
Discussion about this post