തിരുവനന്തപുരം: കേരളത്തിൽ സ്ത്രീകൾക്കെതിരായ അതിക്രമങ്ങൾ കുത്തനെ ഉയരുന്നതായി കണക്കുകൾ വ്യക്തമാക്കുന്നു. കഴിഞ്ഞ വർഷം സ്ത്രീകൾക്കെതിരായ അക്രമങ്ങളുമായി ബന്ധപ്പെട്ട് 16,418 കേസുകളാണ് സംസ്ഥാനത്ത് റിപ്പോർട്ട് ചെയ്തത്. 2020ൽ ഇത് 12,659 ആയിരുന്നു.
സംസ്ഥാനത്ത് കഴിഞ്ഞ ഒരു വർഷത്തിനിടെ സ്ത്രീകൾക്കെതിരായ അതിക്രമങ്ങളിൽ 3,759 കേസുകളുടെ വർദ്ധനവാണ് ഉണ്ടായിരിക്കുന്നത്. കേരള പൊലീസിന്റെ ക്രൈം സ്റ്റാറ്റിസ്റ്റിക്സ് പ്രകാരമാണ് ഈ കണക്കുകൾ. കൂടാതെ സ്ത്രീധനത്തിന്റെ പേരിൽ 10 സ്ത്രീകളും കേരളത്തിൽ കൊല്ലപ്പെട്ടു.
പ്രണയനൈരാശ്യത്തിന്റെ പേരിൽ സ്ത്രീകൾക്കെതിരായ ആക്രമണങ്ങളും വർദ്ധിക്കുകയാണ്. വനിതാ ശിശുക്ഷേമ വകുപ്പിന്റെ നേതൃത്വത്തിൽ സംസ്ഥാനത്ത് ബോധവത്കരണ പരിപാടികളും മറ്റും സംഘടിപ്പിക്കുന്നുണ്ടെങ്കിലും അവയൊന്നും വേണ്ടത്ര ഫലപ്രദമാകുന്നില്ല എന്നാണ് ഈ കണക്കുകൾ വ്യക്തമാക്കുന്നത്.
Discussion about this post