ബാംഗ്ലൂർ; ഇന്ത്യൻ സ്പേസ് റിസർച്ച് ഓർഗനൈസേഷൻ പുതിയ നാവിഗേഷൻ സാറ്റലൈറ്റായ എൻവിഎസ്-01 മെയ് 29ന് വിക്ഷേപിച്ചേക്കും. ഐസ്ആർഒയിലെ ഒരു മുതിർന്ന ഉദ്യോഗസ്ഥനാണ് ഇക്കാര്യം പുറത്തുവിട്ടത്. ഐഎസ്ആർഒയുടെ ഏറ്റവും ഭാരം കൂടിയ വിക്ഷേപണ വാഹനമായ ജിഎസ്എൽവി എംകെ-2 ലാണ് നാവിഗേഷൻ സാറ്റലൈറ്റ് വിക്ഷേപിക്കുക.
ഐആർഎൻഎസ്എസ് ബഹിരാകാശ വിഭാഗത്തിലെ ഏഴ് ഉപഗ്രഹങ്ങളിൽ ഏഴാമത്തേതാണ് ഐആർഎൻഎസ്എസ്-1ജി. രാജ്യത്തിന്റെ സ്ഥാനനിർണയം, നാവിഗേഷൻ, സമയം എന്നീ ദൗത്യങ്ങൾ നിറവേറ്റുന്നതിനായി ഐഎസ്ആർഒ സ്ഥാപിച്ച സാറ്റലൈറ്റ് സിസ്റ്റമാണ് നാവിഗേഷൻ വിത്ത് ഇന്ത്യൻ കോൺസ്റ്റല്ലേഷൻ(നാവിക്). മുമ്പ് നാവിക് അറിയപ്പെട്ടിരുന്നത് ഇന്ത്യൻ റീജിയണൽ നാവിഗേഷൻ സാറ്റലൈറ്റ് സിസ്റ്റം (ഐആർഎൻഎസ്എസ്) എന്നാണ്.
2016ൽ വിക്ഷേപിച്ച ഐആർഎൻഎസ്എസ്-1ജി എന്ന ഉപഗ്രഹത്തിന് 12 വർഷത്തെ ദൗത്യജീവിതമായിരുന്നു ഉണ്ടായിരുന്നത്. നക്ഷത്രസമൂഹത്തിൽ ഇപ്പോഴും പ്രവർത്തിക്കുന്ന ഉപഗ്രഹങ്ങളിൽ, 2014ൽ വിക്ഷേപിച്ച ഐആർഎൻഎസ്എസ്-1ബി എന്ന ഉപഗ്രഹത്തിന് 10 വർഷം ദൗത്യജീവിതമുണ്ട്.
Discussion about this post