ചെന്നൈ: നടൻ വിജയ് ഭാവി മുഖ്യമന്ത്രിയാകുമെന്ന് പറഞ്ഞു കൊണ്ട് പോസ്റ്ററുകൾ. മധുരയിലാണ് പോസ്റ്ററുകൾ എത്തിയത്. വിജയ്യുടെ ഏറ്റവും പുതിയ ചിത്രമായ ‘ലിയോ’യുടെ ഓഡിയോ ലോഞ്ച് റദ്ദാക്കിയതിന് പിന്നാലെയാണ് പോസ്റ്ററുകൾ പ്രത്യക്ഷപ്പെട്ടിരിക്കുന്നത്.
സെപ്തംബർ 30ന് ചെന്നൈ നെഹ്റു ഇൻഡോർ ഓഡിറ്റോറിയത്തിലാണ് ഓഡിയോ ലോഞ്ച് നടത്താനിരുന്നത്. എന്നാൽ സുരക്ഷാ കാരണങ്ങളാൽ സ്റ്റേഡിയം അനുവദിക്കാത്തതിനെ തുടർന്ന് ഓഡിയോ ലോഞ്ച് ഉപേക്ഷിക്കുകയായിരുന്നുവെന്നാണ് വിവരം. ഓഡിയോ ലോഞ്ച് ഉപേക്ഷിച്ചതിന് പിന്നിൽ രാഷ്ട്രീയ അജണ്ടയുണ്ട് എന്നായിരുന്നു ആരോപണം.
ഉദയനിധി സ്റ്റാലിന്റെ ഉടമസ്ഥതയിലുള്ള റെഡ് ജയന്റ് മൂവീസ് ആണ് ഓഡിറ്റോറിയം അനുവദിക്കാത്തതിന് പിന്നിൽ എന്നാണ് റിപ്പോർട്ടുകൾ പ്രചരിച്ചത്.സ്റ്റാലിന്റെ പ്രൊഡക്ഷൻ കമ്പനിക്ക് പങ്കാളിത്തം നൽകാത്ത സിനിമകൾ തമിഴ്നാട്ടിൽ പ്രദർശിപ്പിക്കാൻ ബുദ്ധിമുട്ടാകുകയാണെന്ന് വിജയ് ആരാധകർ ആരോപിക്കുന്നു.
ഇതിന് പിന്നാലെയാണ് മധുരയിൽ പോസ്റ്ററുകൾ പ്രത്യക്ഷപ്പെട്ടത്. ആരാധകകൂട്ടായ്മയുടെ പേരിലാണ് പോസ്റ്റർ എത്തിയിരിക്കുന്നത്.എന്നാൽ പ്രചരിക്കുന്ന അഭ്യൂഹങ്ങൾ ലിയോ നിർമാതാക്കൾ തള്ളിയിട്ടുണ്ട്
