കൊച്ചി : സന്തോഷ് ട്രോഫി ഫുട്ബോളിൽ കേരളം ഫൈനലിൽ പ്രവേശിച്ചു. ഇന്ന് നടന്ന സെമിഫൈനൽ മത്സരത്തിൽ മണിപ്പൂരിനെ തോൽപ്പിച്ചാണ് കേരളം ഫൈനലിൽ പ്രവേശിച്ചത്.
5-1 എന്ന കൂറ്റൻ സ്കോറിനാണ് സെമിഫൈനലിൽ കേരളം മണിപ്പൂരിനെ തകർത്തത്.
കേരളത്തിനായി മുഹമ്മദ് റോഷൽ ഹാട്രിക് നേടി. നസീബ് റഹ്മാൻ, മുഹമ്മദ് അജ്സൽ എന്നിവരും ഗോളടിച്ചു. 2022 ന് ശേഷം കപ്പ് എന്ന ലക്ഷ്യത്തോടെയാണ് കേരളം ഫൈനലിൽ പ്രവേശിക്കുന്നത്.
എട്ടാം കിരീടനേട്ടമാണ് സന്തോഷ് ട്രോഫി ഫുട്ബോളിൽ കേരളം ലക്ഷ്യമിടുന്നത്. ഫൈനലിൽ കേരളത്തിന്റെ എതിരാളി പശ്ചിമ ബംഗാളാണ്. 2022 ൽ മഞ്ചേരിയിൽ നടന്ന സന്തോഷ് ട്രോഫിയിലാണ് കേരളം അവസാനമായി കിരീടം നേടിയത്. അന്നും എതിരാളികൾ പശ്ചിമ ബംഗാളായിരുന്നു. ചൊവ്വാഴ്ച ഹൈദരാബാദിലാണ് ഫൈനൽ മത്സരം നടക്കുക.
