ന്യൂഡൽഹി : ഹൈന്ദവ ആഘോഷങ്ങൾ അന്തരീക്ഷ മലിനീകരണത്തിന് കാരണമാകുന്നുവെന്ന സന്ദേശം നൽകുന്ന പുതിയ പരസ്യം പുറത്തുവിട്ട് തനിഷ്ഖ് ജ്വല്ലറി. നേരത്തെ, ലൗ ജിഹാദിനെ പിന്തുണയ്ക്കുന്ന രീതിയിലുള്ള പരസ്യം ജ്വല്ലറി പ്രചരിപ്പിച്ചിരുന്നു. അതിനു പിന്നാലെയാണ് ഹൈന്ദവ ആചാരങ്ങളെ അപമാനിക്കും വിധത്തിലുള്ള പരസ്യം പുറത്തിറക്കിയിട്ടുള്ളത്.
ഈ ദീപാവലിക്ക് ഹിന്ദുക്കളോട് പടക്കം പൊട്ടിക്കുന്നത് ഒഴിവാക്കാൻ ആവശ്യപ്പെടുന്നതാണ് പുതിയ പരസ്യം. തങ്ങളുടെ ഉത്സവങ്ങൾ എങ്ങനെയാഘോഷിക്കണമെന്ന് തനിഷ്ഖ് ജ്വല്ലറി ഉപദേശിക്കാൻ ശ്രമിക്കുകയാണെന്ന് ചൂണ്ടിക്കാട്ടി ജ്വല്ലറിക്കെതിരെ സാമൂഹ്യ മാധ്യമങ്ങളിലടക്കം വൻ പ്രതിഷേധമാണ് ഉയരുന്നത്. ‘ ഇത്തവണ പടക്കങ്ങളില്ല, തീർച്ചയായും ആരും പടക്കങ്ങൾ കത്തിക്കുമെന്ന് ഞാൻ കരുതുന്നില്ല’ -എന്നാണ് പരസ്യത്തിൽ മോഡൽ പറയുന്ന വാചകം.
അന്തരീക്ഷ മലിനീകരണത്തിനു കാരണമാകുന്നത് ഹൈന്ദവ ആഘോഷങ്ങൾ മാത്രമാണെന്ന് സ്ഥാപിക്കാൻ ശ്രമിക്കുന്ന പരസ്യം ഹിന്ദുഫോബിക്ക് ആണെന്നും മതപരമായ അടിസ്ഥാനത്തിൽ ഉപഭോക്താക്കളെ ചേരി തിരിക്കാൻ ബ്രാൻഡ് ശ്രമിക്കുകയാണെന്നും സോഷ്യൽ മീഡിയ ആരോപിക്കുന്നുണ്ട്.
