മുംബൈ: ഡൽഹി ക്യാപിറ്റൽസിനെതിരായ മത്സരത്തിൽ രാജസ്ഥാൻ റോയൽസിന് 148 റൺസ് വിജയലക്ഷ്യം. ആദ്യം ബാറ്റ് ചെയ്ത ഡൽഹി ഇരുപത് ഓവറിൽ 8 വിക്കറ്റ് നഷ്ടത്തിൽ 147 റൺസ് നേടി.
32 പന്തിൽ 52 റൺസുമായി ക്യാപ്ടൻ ഋഷഭ് പന്ത് ഡൽഹിക്കായി മികച്ച ബാറ്റിംഗ് കഴ്ചവെച്ചു. ശിഖർ ധവാൻ (9), പൃഥ്വി ഷാ (2), അജിങ്ക്യ രഹാനെ (8) എന്നിവർ നിരാശപ്പെടുത്തി. 15 റൺസിന് 3 വിക്കറ്റ് വീഴ്ത്തിയ ജയദേവ് ഉനദ്കട്ടാണ് ഡൽഹി ബാറ്റിംഗ് നിരയെ തകർത്തത്. മുസ്താഫിസുർ റഹ്മാൻ 2 വിക്കറ്റ് വീഴ്ത്തി.
നേരത്തെ ടോസ് നേടിയ രാജസ്ഥാൻ നായകൻ സഞ്ജു സംസാൺ ഡൽഹിയെ ബാറ്റിംഗിന് ക്ഷണിക്കുകയായിരുന്നു. ആദ്യ മത്സരത്തിൽ കരുത്തരായ ചെന്നൈയെ തോൽപ്പിച്ചതിന്റെ ആവേശത്തിലാണ് ഡൽഹി. മറുവശത്ത് വിജയത്തിനരികെ എത്തിയിട്ടും പഞ്ചാബ് കിംഗ്സിനെതിരെ തോൽവി ഏറ്റുവാങ്ങേണ്ടി വന്നതിന്റെ ക്ഷീണം മാറ്റാനാണ് രാജസ്ഥാന്റെ ശ്രമം.
