വള്ളികുന്നം: വള്ളികുന്നത്ത് ആർ എസ് എസ് പ്രവർത്തകരുടെ വീടിനു നേർക്ക് സിപിഎം നരനായാട്ട്. വള്ളികുന്നം ആർ എസ് എസ് ശാഖാ മുഖ്യശിക്ഷക് അനന്തകൃഷ്ണന്റെ വീടും അവിടെ ഉണ്ടായിരുന്ന വാഹനങ്ങളും അക്രമികൾ തകർത്തു.
ആർ എസ് എസ് ശിക്ഷക് വിഷ്ണു ദാസിന്റെ വീടിന് നേരെയും സിപിഎം പ്രവർത്തകർ അക്രമം അഴിച്ചു വിട്ടു. ഇരുചക്ര വാഹനങ്ങളിൽ സംഘമായി എത്തിയ സിപിഎമ്മുകാരാണ് അക്രമം നടത്തിയത്. സ്ഥലത്ത് പൊലീസ് വിന്യാസമുണ്ടായിരുന്നുവെങ്കിലും അക്രമം പൊലീസുകാർ നിശബ്ദരായി നോക്കി നിൽക്കുകയായിരുന്നു. പൊലീസ് കാവലിൽ നടന്ന അക്രമത്തിനെതിരെ ജനരോഷം ശക്തമാണ്.
https://www.facebook.com/vayujith.in/posts/2946334725639640
വള്ളികുന്നത്ത് കഴിഞ്ഞ ദിവസം ഉത്സവ പറമ്പിലുണ്ടായ സംഘർഷത്തിൽ യുവാവ് കൊല്ലപ്പെട്ടിരുന്നു. ഇതിനെ രാഷ്ട്രീയമായി മുതലെടുത്ത് അക്രമം നടത്താൻ ആസൂത്രിതമായ ശ്രമം നടന്നിരുന്നു. രാഷ്ട്രീയമായി യാതൊരു ബന്ധവുമില്ലാത്ത സംഭവത്തിന്റെ പേരിൽ മുതലെടുപ്പ് നടത്തി സമാധാനാന്തരീക്ഷം തകർക്കാനുള്ള സിപിഎം ശ്രമത്തിനെതിരെ സാധാരണക്കാരായ ജനങ്ങൾക്കിടയിൽ കടുത്ത അമർഷമാണുള്ളത്.
