ഡൽഹി: രാജ്യത്ത് എല്ലാ സംസ്ഥാനങ്ങളിലും പൊതുവായി ഉപയോഗിക്കാനാവുന്ന ഏകീകൃത വാഹന രജിസ്ട്രേഷൻ സംവിധാനത്തിന് കേന്ദ്ര സർക്കാർ തുടക്കം കുറിച്ചു. ബി എച്ച് അഥവാ ഭാരത് സീരീസ് എന്നാണ് ഈ സംവിധാനത്തിന് പേര് നൽകിയിരിക്കുന്നത്. രാജ്യത്ത് എവിടെയും ഈ രജിസ്ട്രേഷൻ സംവിധാനം സാധുവായിരിക്കും.
MORTH has introduced a new registration mark for new vehicles – Bharat series (BH-series). A vehicle with BH mark will not require a new registration mark when the owner shifts from one State to another.
— MORTHINDIA (@MORTHIndia) August 28, 2021
ഒരു സംസ്ഥാനത്ത് ഉപയോഗിക്കുന്ന വാഹനം മറ്റ് സംസ്ഥാനത്തേക്ക് കൊണ്ടു പോകുമ്പോൾ റീ രജിസ്ട്രേഷൻ ആവശ്യമില്ല എന്നത് ഈ സംവിധാനത്തിന്റെ പ്രത്യേകതയാണ്. തുടക്കത്തിൽ പ്രതിരോധ സേനയിലെ അംഗങ്ങൾക്കും കേന്ദ്ര- സംസ്ഥാന ജീവനക്കാർക്കുമാണ് ഈ സംവിധാനം ഉപയോഗിക്കാൻ സാധിക്കുക. നാലിൽ കൂടുതൽ സംസ്ഥാനങ്ങളിൽ ഓഫീസ് ഉള്ള സ്വകാര്യ സ്ഥാപനങ്ങളിലെ ജീവനക്കാർക്കും ഈ സംവിധാനം ഉപയോഗിക്കാം.
