ഡൽഹി: സൈനിക ഹെലികോപ്ടർ ദുരന്തത്തിൽ നിന്നും രക്ഷപ്പെട്ട് ചികിത്സയിലായിരുന്ന ഗ്രൂപ്പ് ക്യാപ്ടൻ വരുൺ സിംഗ് അന്തരിച്ചു. ഇന്ത്യൻ വ്യോമസേന ഇക്കാര്യം ഔദ്യോഗികമായി അറിയിച്ചു. ഹെലികോപ്ടർ ദുരന്തത്തിൽ ഗുരുതരമായി പരിക്കേറ്റ വരുൺ സിംഗ് ബംഗലൂരുവിലെ കമാൻഡ് ആശുപത്രിയിൽ ചികിത്സയിലായിരുന്നു.
IAF is deeply saddened to inform the passing away of braveheart Group Captain Varun Singh, who succumbed this morning to the injuries sustained in the helicopter accident on 08 Dec 21. IAF offers sincere condolences and stands firmly with the bereaved family.
— Indian Air Force (@IAF_MCC) December 15, 2021
ധീരസൈനികൻ ഗ്രൂപ്പ് ക്യാപ്ടൻ വരുൺ സിംഗിന്റെ വിയോഗം അതീവ ദു:ഖത്തോടെ അറിയിക്കുകയാണ്. അദ്ദേഹത്തിന് അനുശോചനം രേഖപ്പെടുത്തുന്നതോടൊപ്പം കുടുംബത്തോടൊപ്പം ഉറച്ച് നിൽക്കുമെന്നും ഈ അവസരത്തിൽ വ്യക്തമാക്കുകയാണെന്ന് വ്യോമസേന ട്വീറ്റ് ചെയ്തു.
ഡിസംബർ 8ന് തമിഴ്നാട്ടിലെ കൂനൂരിൽ ഉണ്ടായ ഹെലികോപ്ടർ ദുരന്തത്തിൽ സംയുക്ത സൈനിക മേധാവി ജനറൽ ബിപിൻ റാവത്തും ഭാര്യം മധുലിക റാവത്തും ഉൾപ്പെടെ 13 പേർ നേരത്തെ മരിച്ചിരുന്നു. അപകടത്തിൽ നിന്നും രക്ഷപ്പെട്ട വിംഗ് കമാൻഡർ വരുൺ സിംഗ് ചികിത്സകളോട് പ്രതികരിച്ചിരുന്നു. ചർമ്മം വെച്ച് പിടിപ്പിക്കാനുള്ള ചികിത്സകളും ഇന്നലെ തുടങ്ങിയിരുന്നു. എന്നാൽ എല്ലാം വിഫലമാക്കി ഇന്ന് രാവിലെ അദ്ദേഹം യാത്രയാകുകയായിരുന്നു.
