തിരുവനന്തപുരം : കേരളത്തിന്റെ ആദ്യ വന്ദേ ഭാരത് എസ്പ്രസ് നാളെയാണ് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യുന്നത്. ഇതിന്റെ ഭാഗമായി ഇന്നും നാളെയും ട്രെയിൻ ഗതാഗതത്തിൽ നിയന്ത്രണം ഏർപ്പെടുത്തിയിട്ടുണ്ട്. പല ട്രെയിനുകളും കൊച്ചുവേളി വരെ മാത്രമേ പ്രവർത്തിക്കൂ.
ട്രെയിനുകളും സമയക്രമം സംബന്ധിച്ച് വിശദവിവരങ്ങൾ അറിയാം-
*അമൃത എക്‌സ്പ്രസും ശബരി എക്‌സ്പ്രസും ഇന്ന് കൊച്ചുവേളിയിൽ സർവ്വീസ് നിർത്തും.
*മലബാർ എക്‌സ്പ്രസ് ഇന്നും നാളെയും കൊച്ചുവേളി വരെ മാത്രമേ സർവ്വീസ് നടത്തൂ.
*തിരുവനന്തപുരത്ത് നിന്ന് പുറപ്പെടുന്ന മലബാർ എക്‌സ്പ്രസ് രണ്ട് ദിവസത്തേക്ക് കൊച്ചുവേളിയിൽ നിന്ന് പുറപ്പെടും.
*ചെന്നൈ മെയിൽ ഇന്നും നാളെയും കൊച്ചുവേളിയിൽ സർവ്വീസ് നിർത്തും. പുറപ്പെടുന്നതും കൊച്ചുവേളിയിൽ നിന്നാകും.
*ഗുരുവായൂർ ഇൻറർസിറ്റി എക്‌സ്പ്രസ്, എറണാകുളം – തിരുവനന്തപുരം വഞ്ചിനാട് എക്‌സ്പ്രസ് എന്നിവ നാളെ കൊച്ചുവേളിയിൽ സർവ്വീസ് അവസാനിപ്പിക്കും.
*കൊല്ലം – തിരുവനന്തപുരം സ്‌പെഷ്യൽ എക്‌സ്പ്രസ് ഇന്നും നാളെയും കഴക്കൂട്ടത്ത് സർവ്വീസ് അവസാനിപ്പിക്കും. തുടർന്ന് പുറപ്പെടുന്നതും കഴക്കൂട്ടത്ത് നിന്നാകും.
*നാഗർകോവിൽ – കൊച്ചുവേളി എക്‌സ്പ്രസ് ഇന്നും നാളെയും നേമത്ത് സർവ്വീസ് നിർത്തും.
*കൊച്ചുവേളി – നാഗർകോവിൽ സ്‌പെഷ്യൽ എക്‌സ്പ്രസ് ഇന്നും നാളെയും കൊച്ചുവേളിക്ക് പകരം നെയ്യാറ്റിൻകരയിൽ നിന്ന് പുറപ്പെടും. രണ്ടര മണിക്കാണ് ട്രെയിൻ പുറപ്പെടുക.
*മറ്റന്നാൾ 4.55 ന് തിരുവനന്തപുരം സെൻട്രൽ റെയിൽവേ സ്റ്റേഷനിൽ നിന്ന് പുറപ്പെടേണ്ട സിൽചർ അരോണയ് പ്രതിവാര എക്‌സ്പ്രസ് 6.25 നാകും പുറപ്പെടുക.
*നാളെ തിരുവനന്തപുരം സെൻട്രൽ റെയിൽവേ സ്റ്റേഷനിൽ പവർ ഹൗസ് റോഡിലെ രണ്ടാം ഗേറ്റ് വഴി മാത്രമായി യാത്രക്കാരുടെ പ്രവേശനം നിയന്ത്രിച്ചിട്ടുണ്ട്. ടിക്കറ്റ് ബുക്കിംഗ് കേന്ദ്രങ്ങവും ഇവിടെ ക്രമീകരിച്ചിട്ടുണ്ട്.
