ബഹിരാകാശ പേടകങ്ങൾ എന്തിനാണ് വെള്ളത്തിൽ ഇറക്കുന്നത് ? ഒമ്പത് മാസത്തെ ദൗത്യം പൂർത്തിയാക്കി നാസയുടെ ബഹിരാകാശ യാത്രികരായ ബുച്ച് വിൽമോറും സുനിത വില്യംസും ഭൂമിയിലെത്തിയതിന് പിന്നാലെ ഏറ്റവും കൂടുതൽ ആളുകൾ ഗൂഗുളിൽ സെർച്ച് ചെയ്തിരിക്കുന്നത് പേടകങ്ങൾ എന്തിനാണ് വെള്ളത്തിൽ ഇറക്കുന്നത് എന്നാണ്… ? .
സാധാരണയായി യാത്രികരെയുംകൊണ്ട് തിരിച്ചെത്തുന്ന ബഹിരാകാശ പേടകം സമുദ്രത്തിലിറക്കുന്ന രീതിയാണ് നാസ പിന്തുടരുന്നത്. വെള്ളത്തിന്റെ കുറഞ്ഞ സാന്ദ്രതയും ഭാരമുള്ള വസ്തുപതിക്കുമ്പോൾ ഒഴുകിമാറുന്ന സ്വഭാവവും അപകടം കുറയ്ക്കാൻ സഹായിക്കും. കൂടാതെ, ഭൂമിയുടെ 71% ജലമായതിനാൽ ലാൻഡിംഗിന് അനുയോജ്യമായ സ്ഥലം കണ്ടെത്താനുള്ള സാധ്യതയും കൂടുതലാണ്.
ഇതിന് പുറമേ വെള്ളത്തിൽ ഇറങ്ങാൻ ആവശ്യമായ സാങ്കേതിക സംവിധാനങ്ങൾ താരതമ്യേന ലളിതവും ചെലവ് കുറഞ്ഞതുമാണ്. കരയിൽ ഇറങ്ങുമ്പോൾ ഉണ്ടാകാവുന്ന കേടുപാടുകൾ ഒഴിവാക്കാൻ വെള്ളത്തിലെ ലാൻഡിംഗ് സഹായിക്കുന്നു. ചില ബഹിരാകാശ ദൗത്യങ്ങൾ രൂപകൽപ്പന ചെയ്തിരിക്കുന്നത് തന്നെ വെള്ളത്തിൽ ഇറങ്ങുന്ന രീതിയിലാണ്. ഉദാഹരണത്തിന്, നാസയുടെ സ്‌പേസ് എക്‌സ് ഡ്രാഗൺ കാപ്‌സ്യൂൾ . അതുപോലെ, ഭൂമിയുടെ അന്തരീക്ഷത്തിലേക്ക് തിരിച്ചുവരുന്ന ബഹിരാകാശ പേടകങ്ങളുടെ വേഗത കുറയ്ക്കുന്നതിന് വെള്ളത്തിലിറങ്ങുന്നത് സഹായിക്കുന്നു.
ബഹിരാകാശ പേടകം തിരിച്ചെത്തുമ്പോൾ അതിന്റെ വേഗത വളരെ കൂടുതലായിരിക്കും. ഈ വേഗത കുറയ്ക്കാൻ പാരച്യൂട്ടുകൾ ഉപയോഗിക്കാറുണ്ട്. എന്നിരുന്നാലും, കരയിൽ ഇറങ്ങുമ്പോൾ ഉണ്ടാകാവുന്ന അപകടങ്ങൾ വളരെ കൂടുതലാണ്. എന്നാൽ വെള്ളത്തിലിറങ്ങുന്നത് കൂടുതൽ സുരക്ഷിതമാണ്. കരയിൽ ഇറങ്ങുമ്പോൾ, ലാൻഡിംഗ് സൈറ്റിൽ കൂടുതൽ സൗകര്യങ്ങൾ ഒരുക്കേണ്ടി വരും. എന്നാൽ കടലിൽ ഇറങ്ങുമ്പോൾ, കപ്പലുകൾ ഉപയോഗിച്ച് പേടകത്തെ വീണ്ടെടുക്കാൻ സാധിക്കും .
