ലോക പ്രശസ്ത കമ്പ്യൂട്ടിങ് കമാൻഡറായ ‘കട്ട് കോപ്പി പേസ്റ്റ്’ ഉപജ്ഞാതാവും ആദ്യകാല കമ്പ്യൂട്ടിംഗ് രംഗത്തെ അമരക്കാരിൽ ഒരാളുമായ ലാറി ടെസ്‌ലർ അന്തരിച്ചു. ലോക കമ്പ്യൂട്ടിങ് തലസ്ഥാനമായ സിലിക്കൺ വാലിയിലെ പ്രമുഖരിൽ ഒരാളായിരുന്നു 74 വയസുണ്ടായിരുന്ന ലാറി. ഇന്നും ലോകത്തിൽ ഏറ്റവുമധികം ഉപയോഗിക്കപ്പെടുന്ന കമ്പ്യൂട്ടർ കമാൻഡുകളാണ് ലാറിയുടേത്.
സെറോക്സ് എന്ന കമ്പനിയിൽ ജോലി ചെയ്യുമ്പോഴാണ് ഇദ്ദേഹത്തെ ആപ്പിൾ സ്ഥാപകനായ സ്റ്റീവ് ജോബ്സ് കണ്ടെത്തുന്നത്. ലാറിയിലെ പ്രതിഭയെ തിരിച്ചറിഞ്ഞ സ്റ്റീവ് ജോബ്സ് തന്റെ കമ്പനിയിൽ അദ്ദേഹത്തിന് ജോലി കൊടുത്തു. പിന്നീട് 17 വർഷം ആപ്പിളിന്റെ അമരക്കാരിൽ ഒരാളായിരുന്നു ലാറി ടെസ്‌ലർ.മൈക്രോ സോഫ്റ്റ്‌ വേർഡിലെ ‘ഫൈൻഡ് & റീപ്ലേസ്’ കമാൻഡ് നിർമ്മിച്ചതും ലാറി തന്നെയാണ്.
