കര്ഷക സമരത്തിന് ആഗോള ശ്രദ്ധ ലഭിച്ചതില് രാജ്യത്തുയരുന്ന എതിര്പ്പുകള്ക്കെതിരെ പ്രതികരിച്ച് നടന് സിദ്ധാര്ഥും. നിങ്ങളുടെ ഹീറോയെ വിവേകത്തോടെ തെരഞ്ഞെടുക്കുക. അല്ലെങ്കില് അവര് അത്യുന്നതങ്ങളില് നിന്ന് മൂക്കും കുത്തി വീഴുന്നത് കാണേണ്ടി വരുമെന്നാണ് സച്ചിനെ ഉന്നമിട്ട് സിദ്ധാര്ഥിന്റെ ട്വീറ്റ്. വിദ്യാഭ്യാസം, ദീനാനുകമ്പ , സത്യസന്ധത, കുറച്ചെങ്കിലും നട്ടെല്ല്.. അത്രയുമുണ്ടായിരുന്നെങ്കില് ഇവര് രക്ഷപെട്ടേനെയെന്നും താരം കുറിച്ചു.
ഒരു കാര്യത്തിലും നിലപാടെടുക്കാത്ത കരുത്തരായ ചിലര് പെട്ടെന്ന് ഒരേ ഈണത്തിലും താളത്തിലും പാടാനും ഒരേ പാതയില് സഞ്ചരിക്കാനും തുടങ്ങുന്നതിനെയാണ് പ്രൊപ്പഗാന്ഡ എന്ന് പറയുന്നത്. നിങ്ങളുടെ പ്രൊപ്പഗാന്ഡ ഏതെന്ന് തിരിച്ചറിയുക എന്നും കടുത്ത മോഡി വിമര്ശകന് കൂടിയായ സിദ്ധാര്ഥ് വ്യക്തമാക്കുന്നു. എന്നാൽ ഇതിനെതിരെ സോഷ്യൽ മീഡിയയിൽ കടുത്ത വിമർശനമാണ് ഉയരുന്നത്.
‘അതുകൊണ്ടാണല്ലോ 15 വർഷമായിട്ടും താൻ ഹീറോ ആകാത്തതെന്നാണ്’ ഒരു വിരുതന്റെ മറുപടി. മറ്റൊരാൾ പറയുന്നത് ‘കമലാഹാസന്റെയും പ്രകാശ്രാജിന്റെയും അനുയായി’ എന്നാണ്. ‘സച്ചിനെ പോലെയുള്ള ഒരു ഇതിഹാസത്തെ വരെ പുച്ഛിക്കുന്ന ഇത്തരക്കാർ മാവോയിസ്റ്റുകളാണോ’ എന്ന് നോക്കണമെന്നാണ് ചിലരുടെ പക്ഷം.
Discussion about this post