ശരീരത്തിന്റെ ആരോഗ്യം നിലനിർത്തുന്നതിൽ നിർണായക പങ്കു വഹിക്കുന്ന ഒന്നാണ് ഉറക്കം. നാഡീകോശങ്ങളുടെ ആശയവിനിമയം ഉൾപ്പെടെ തലച്ചോറിന്റെ നിരവധി പ്രവർത്തനങ്ങൾക്ക് ഉറക്കം അത്യാവശ്യമാണ്. ഹൃദയം, ശ്വാസകോശം, രക്ത ചംക്രമണ വ്യവസ്ഥ, കോശങ്ങളുടെ വളർച്ച എന്നിവയ്‌ക്കെല്ലാം ഉറക്കം കൂടിയേ തീരൂ. നമ്മുടെ സമൂഹികവും മാനസീകവുമായ ആരോഗ്യത്തിന് ദിവസവും നന്നായി ഉറങ്ങണം.
എന്നാൽ, പലരും പല കാര്യങ്ങൾ കൊണ്ടും ഉറക്കം വേണ്ടെന്ന് വയ്ക്കുന്നവരാണ്. ഉറക്കത്തിന് അത്രമാത്രം പ്രാധാന്യമൊന്നും ആരും നൽകാറില്ല. പ്രായവും ആരോഗ്യവും കണക്കിലെടുത്ത് ഓരോരുത്തരുടെയും ഉറക്കത്തിന്റെ സമയം വ്യത്യാസപ്പെട്ടിരിക്കും. 18 മുതൽ 64 വയസ് പ്രായപരിധിയിലുള്ളവർ കുറഞ്ഞത് ഏഴ് മുതൽ 9 മണിക്കൂർ വരെ ഉറങ്ങണം. കുഞ്ഞുങ്ങളിൽ ഉറക്ക സമയം ഇനിയും കൂടും.
പകലുറക്കം കൂടുന്നതുകൊണ്ടും പല തരം ടെൻഷനുകൾ കൊണ്ടും ചിലർക്ക് ഉറക്കമില്ലായ്ക ഉണ്ടാകാറുണ്ട്. അധ്വാനമില്ലായ്മയും ഉറക്കമില്ലായ്മയുടെ ഒരു കാരണമാണ്. ഇത്തരത്തിൽ ഉറക്കം ഇല്ലാതാകുന്നത് പല രോഗത്തിനും വഴിവയ്ക്കുന്നു. സ്ഥിരമായി അഞ്ചോ ആറോ മണിക്കൂർ ഉറങ്ങുന്നത് ഹൃദ്‌രോഗം, കാൻസർ, പ്രമേഹം പോലെയുള്ള രോഗക്ക് കാരണമാകുന്നു. രാത്രിയിൽ ഉറങ്ങാത്തത് ഹൃദയമിടിപ്പും രക്തസമ്മർദവും കുടുതലായിരിക്കും. ഇതാണ് ഹൃദ്രോങ്ങൾക്കുള്ള സാധ്യത വർദ്ധിപ്പിക്കുന്നു.
ഉറക്കമില്ലായ്മ കോർട്ടിസോൾ, ഇൻസുലിൽ എന്നീ ഹോർമോണുകളുടെ അസന്തുലിതാവസ്ഥക്ക് കാരണമാകുന്നു. ഇത് അമിതവണ്ണം, പ്രമേഹം എന്നിവയ്ക്കും കാരണമാകുന്നു. ഒരാൾ ഉറങ്ങുമ്പോൾ അയാളുടെ ശരീരവും മനസും പൂർണമായി വിശ്രമിക്കുകയാണ്. ആവശ്യത്തിന് ഉറക്കം കിട്ടാതാകുന്നതോടെ ശരീരത്തിന്റെയും മനസിന്റെയും ആരോഗ്യത്തിനെ അത് ബാധിക്കുന്നു.
ശരീര വളർച്ചക്ക് സഹായകമാകുന്ന ഹോർമ്മോണുകൾ ഏറ്റവും കൂടുതൽ ഉത്പാദിപ്പിക്കപ്പെടുന്നത് ഉറങ്ങുമ്പോഴാണ്. മാംസ പേശികളുടെ നിർമ്മാണത്തിനും കോശങ്ങളുടെ പുനർനിർമ്മാണത്തിനും ഈ ഹോൺമോണുകൾ അത്യാവശ്യമാണ്. അതുകൊണ്ട് തന്നെ കൗമാരക്കാരിൽ ഉറക്കം പ്രധാനമാണ്.
ഉറക്കക്കുറവ് ഒരു വ്യക്തിയുടെ തലച്ചോറിന്റെ പ്രവർത്തനത്തെ ബാധിക്കുന്നു. ഇതുവഴി ഓർമക്കുറവ്, പെട്ടന്ന് ദേഷ്യം വരുന്ന അവസ്ഥ, വിഷാദ രോഗം എന്നിവക്ക് കാരണമാകാം.
