ഭാര്യമാരുടെ ഷോപ്പിംഗ് ചിലവ് അൽപ്പം കൂടുതലാണെന്ന് പരാതി പറയുന്നവരാണ് എല്ലാ ഭർത്താക്കന്മാരും. നല്ലൈാരു തുക തന്നെ മിക്ക ഭർത്താക്കന്മാരും ഭാര്യയുടെ ചിലവിനായി നൽകുന്നത് കണ്ടിട്ടുണ്ട്. എന്നാൽ, ഷോപ്പിംഗിനായി ഭാര്യയ്ക്ക് കോടികൾ കൊടുക്കുന്ന ഒരു ഭർത്താവിനെ കണ്ടിട്ടുണ്ടോ?. യുഎഇയിലെ ഒരു കോടീശ്വരാനാണ് തന്റെ ബ്രിട്ടീഷുകാരിയായ ഭാര്യയ്ക്ക് പ്രതിമാസം ഷോപ്പിംഗ് അലവൻസ് ആയി കോടികൾ കൊടുക്കുന്നത്.
എല്ലാ മാസവും ഷോപ്പിംഗ് നടത്താൻ 180,000 പൗണ്ട് അഥവാ 1.86 കോടി രൂപയാണ് ഭർത്താവ് കൊടുക്കുന്നത്. മലൈക രാജ എന്ന യുവതിയാണ് ഈ ധനികയായ വീട്ടമ്മ. ഒരു ടിക്ടോക്ക് വീഡിയോയിലൂടെ യുവതി തന്നെയാണ് ഇക്കാര്യം വെളിപ്പെടുത്തിയിരിക്കുന്നത്. വീഡിയോ ഇതിനകം സമൂഹ മാദ്ധ്യമങ്ങളിൽ വൈറലായിക്കഴിഞ്ഞു.
ഈദ് മാസമായതിനാൽ ചിലവ് അൽപ്പം കൂടുതലാണെന്നും ഭർത്താവിനോട് കൂടുതൽ പണം ചോദിക്കണമെന്നുമാണ് മലൈക വീഡിയോയിൽ പറയുന്നത്. തന്റെ ജീവിതത്തിൽ ദുഃഖങ്ങളില്ലെന്നും പൂർണ്ണ തൃപ്തയാണെന്നും യുവതി പറയുന്നുണ്ട്. ഇതിൽ താൻ ചിലവഴിക്കുന്ന തുക എത്രയാണെന്നും ഇവർ പറയുന്നു. പല തരത്തിലുള്ള വസ്ത്രങ്ങൾക്കും ആഭരണങ്ങൾക്കുമായാണ് താൻ കൂടുതൽ പണം ചിലവഴിക്കുന്നത്. ഇത് കൂടാതെ, ബ്രാൻഡഡ് ബാഗുകളോടും തനിക്ക് അതിയായ ഭ്രമമാണ്. ലക്ഷങ്ങൾ വിലമതിക്കുന്ന വസ്ത്രങ്ങളും മറ്റ് ആക്സസറീസും ആണ് താൻ ദിവസവും ധരിക്കുന്നത്. ഒരു തവണ ഉപയോഗിച്ചവ വീണ്ടും ഉപയോഗിക്കേണ്ട അവസ്ഥ തനിക്ക് ഇതുവരെയും വന്നിട്ടില്ലെന്നും യുവതി വീഡിയോയിൽ പറയുന്നു.
നിരവധി പേരാണ് വീഡിയോയ്ക്ക് കമന്റുകളുമായി എത്തിയിരിക്കുന്നത്. ഇവരുടെ ദാമ്പത്യ ജീവിതം തകർന്നാൽ പിന്നെ എന്തു ചെയ്യുമെന്ന് പലരും കമന്റ് ചെയ്തിട്ടുണ്ട്. ഈ അലവൻസ് എന്നെങ്കിലും മുടങ്ങിയാൽ ഇവർ തകർന്നു പോകുമല്ലോ എന്നാണ് മറ്റ് ചില കമന്റുകൾ. ഇതുപോലെയൊരു ആഡംബര ജീവിതം കിട്ടിയിരുന്നെങ്കിൽ എന്ന ആഗ്രഹം പങ്കുവച്ചവരും നിരവധിയാണ്.
Discussion about this post