സംസ്ഥാനത്ത് ദിവസം തോറും ചൂട് വർദ്ധിച്ചു കൊണ്ടിരിക്കുകയാണ്. അതുകൊണ്ട് തന്നെ ആളുകൾ സൺസ്‌ക്രീൻ പുരട്ടിയതിന് ശേഷമേ പുറത്തിറങ്ങുന്നോള്ളൂ. പുറത്തിറങ്ങുമ്പോൾ മാത്രമല്ല അകത്ത് ഇരിക്കുമ്പോൾ വരെ സൺസ്‌ക്രീൻ ഉപയോഗിക്കണം എന്നാണ് റിപ്പോർട്ട്. എന്നാൽ എങ്ങനെയുള്ള സൺസ്‌ക്രീൻ ഉപയോഗിക്കണം എന്നുള്ള കാര്യം ആർക്കും ഇപ്പോഴും അറിയില്ല. സോഷ്യൽമീഡിയയിൽ അടിക്കടി ഉയർന്നു വരുന്ന പ്രൊമോഷൻ കണ്ടാവും പലരും സൺസ്‌ക്രീനുകൾ തെരഞ്ഞെടുക്കുന്നതു പോലും. ചൂടുകാലത്ത് സൺസ്‌ക്രീൻ തെരഞ്ഞെടുക്കുന്നതിലും ശ്രദ്ധ വേണം.
സിങ്ക് ഓക്‌സൈഡ്, ടൈറ്റാനിയം ഡയോക്‌സൈഡ് തുടങ്ങിയ മിനറൽ ആക്റ്റീവ് ഘടകങ്ങൾ അടങ്ങിയ സൺസ്‌ക്രീനുകൾ ഉപയോഗിക്കുന്നതാണ് ഏറ്റവും നല്ലത്.
കൂടാതെ പരിസ്ഥിതി ആഘാതം കുറയ്ക്കുന്നതിന് ‘റീഫ്-സേഫ്’ അല്ലെങ്കിൽ ‘നോൺ-ടോക്‌സിക്’ എന്ന് ലേബൽ ചെയ്തിരിക്കുന്ന സൺസ്‌ക്രീനുകൾ ഉപയോഗിക്കുക.
സൺസ്‌ക്രീൻ ഉപയോഗിക്കുമ്പോൾ പുറത്തിറങ്ങുന്നതിന് 15-20 മിനിറ്റ് മുൻപ് തന്നെ ചർമ്മത്തിൽ പുരട്ടണം. വിയർക്കുകയും നനയുകയോ ചെയ്താൽ വീണ്ടും സൺസ്‌ക്രീം പുരട്ടുന്നത് നല്ലതാണ്. കൂടാതെ ഓരോ രണ്ട് മണിക്കൂർ കഴിയുമ്പോഴും സൺസ്‌ക്രീൻ പുരട്ടണം. സൺസ്‌ക്രീൻ സൂര്യതാപം തടയാൻ വളരെ യധികം ഉപയോഗപ്രദമാണ്. മെലനോമ ഉൾപ്പെടെയുള്ള ചർമ്മ കാൻസറിനുള്ള സാദ്ധ്യത കുറയ്ക്കാനും സഹായിക്കുന്നു.
