സൈബർ തട്ടിപ്പ് കേസുകൾ ദിനംപ്രതിയാണ് വർദ്ധിച്ചുകൊണ്ടിരിക്കുന്നത്. ഈ കാലഘട്ടത്തിൽ നമ്മുടെ അക്കൗണ്ടുകൾ, സുരക്ഷിതമായ പാസ് റോഡുകൾ തെരഞ്ഞെടുക്കേണ്ടത് വളരെ നിർണായകമാണ്. ഹാക്കർമാർക്ക് എളുപ്പത്തിൽ കണ്ടെത്താൻ സാധിക്കാത്ത പാസ്വേർഡുകൾ ഉപയോഗിച്ച് തന്നെ വേണം നമ്മുടെ അക്കൗണ്ടുകളെ സുരക്ഷിതമാക്കാൻ. പിൻ നമ്പർ ഉപയോഗിച്ചു തുടങ്ങിയ കാലം മുതലേ ഏറ്റവും എളുപ്പത്തിൽ ഹാക്ക് ചെയ്യാവുന്ന പിൻ നമ്പർ 1234 ആണ്. ഇതേ പിൻ നമ്പറാണ് ഇന്നും 11 ശതമാനം പേരും ഉപയോഗിക്കുന്നതെന്നതാണ് ഒരു ഞെട്ടിപ്പിക്കുന്ന വിവരം. 1111, 0000, 1212, 7777 എന്നിവയാണ് ഇതിനു പിന്നാലെ വരുന്ന സർവസാധാരണ പിൻനമ്പറുകകളത്രേ. ചുരുക്കം ചിലർ മാത്രമാണ് ഓർത്തെടുക്കാൻ പ്രയാസമുള്ള പാസ്സ്വേർഡുകൾ ഉപയോഗിക്കുന്നതായി മനസിലാകുന്നത്. 8557 8438 9539 7063 6827 0859 6793 0738 6835 8093 തുടങ്ങിയവ ആണ്.ലോകത്തിലെ 70 ശതമാനം പാസ്‌വേർഡുകളും സെക്കൻറുകൾക്കുള്ളിൽ തന്നെ കണ്ടെത്താൻ സാധിക്കുമെന്ന് പിൻ നമ്പറുകളുടെ സുരക്ഷിതത്വത്തെ കുറിച്ച് നടത്തിയ പഠനങ്ങളിൽ പറയുന്നുണ്ട്.
1004, 2000, 4444, 2222, 6969 എന്നിവയാണ് ആദ്യ പത്തിൽ വരുന്ന മറ്റു സാധാരണ പിൻ നമ്പറുകൾ. അപൂർവമായി വരുന്ന 4200 പിൻ നമ്പറുകൾ ഉപയോഗിക്കുന്നതിന്റെ എണ്ണത്തിന് തുല്യമാണ് ഏറ്റവും സർവസാധാരണ പിൻ നമ്പറായ 1234 ഉപയോഗിക്കുന്നത്. രണ്ടാമത്തെ സാധാരണ പിൻ നമ്പറായ 1111 ആകെ പിൻ നമ്പറുകളിൽ ആറു ശതമാനവും 0000, 1212 എന്നീ പിൻ നമ്പറുകൾ രണ്ട് ശതമാനം വീതവും വരും.അതുമല്ല ജനന തിയതിയും മറ്റും ഉപയോഗിക്കുന്നതും അത്ര സുരക്ഷിതമല്ല.
0000 മുതൽ 9999 വരെ ആകെ 10,000 വ്യത്യസ്ത പിൻ നമ്പറുകൾ സാധ്യമാണെങ്കിലും ഇത്തരം എളുപ്പത്തിൽ കണ്ടെത്താവുന്ന പിൻ നമ്പറുകൾ ഉപയോഗിക്കുന്നത് നമ്മുടെ സൈബർ സുരക്ഷ തന്നെയാണ് അപകടത്തിലാക്കുന്നത്. മൂന്നിലൊന്നു പാസ് കോഡുകളും 61 തവണ ശ്രമിച്ചാൽ ഹാക്കർക്ക് തകർക്കാനാവുമെന്നാണ് കണക്കുകൾ കാണിക്കുന്നത്. 426 തവണ ശ്രമിച്ചാൽ പിന്നുകളിൽ പകുതിയും തകർക്കാനാവും.ഒന്നോർക്കുക, പാസ്സ്വേർഡുകൾ ഉപയോഗിക്കുന്നത്. കൂടുതൽ സുരക്ഷക്കാണ് അല്ലാതെ മറ്റുള്ളവർക്ക് എളുപ്പം കണ്ടുപിടിക്കാനല്ല.
