ഇന്നത്തെ കാലത്ത് ഏത് പ്രായക്കാരും നേരിടുന്ന ഏറ്റവും വലിയ പ്രശ്നമാണ് നര. സ്ത്രീകളും പുരുഷന്മാരും ഒരുപോലെ ഈ പ്രശ്നം നേരിടാറുണ്ട്. നര കറുപ്പിക്കാൻ ഡൈ ഉപയോഗിക്കുകയാണ് എല്ലാവരും ചെയ്യാറ്. ചിലർ ഹെന്ന ചെയ്യുന്നതും കാണാം… എന്നാൽ, കെമിക്കൽ പ്രൊഡക്ടുകൾ ഉപയോഗിച്ച് ഇത്തരത്തിൽ നര കറുപ്പിക്കുമ്പോൾ നര കൂടുകയാണ് ചെയ്യുക. എന്നാൽ, കെമിക്കലുകൾ ഉപയോഗിച്ച് മുടി കേടാക്കാതെ തന്നെ എളുപ്പം നിങ്ങൾക്ക് നര ഇല്ലാതാക്കാൻ സാധിക്കും. അതും നിങ്ങളുടെ വീട്ടിൽ തന്നെയുള്ള ഒരു സംഭവം കൊണ്ട്.
മറ്റൊന്നുമല്ല, മഞ്ഞൾപൊടിയാണ് ഇതിനുള്ള പോംവഴി. അതിനായി ഒന്നര ഗ്ലാസ് വെള്ളം നന്നായി ചൂടാക്കുക, ചൂടായി വരുന്ന വെള്ളത്തിലേക്ക് രണ്ട് ടേബിൾ സ്പൂൺ വീതം തേയില പൊടിയും കാപ്പിപ്പൊടിയും ചേർക്കുക. ഈ വെള്ളം നന്നായി തിളപ്പിച്ച മുക്കാൽ ഗ്ലാസോളം വെള്ളമാകണം. ഇതിന് ശേഷം ഒരു ഇരുമ്പിന്റെ ചീനച്ചട്ടി ചൂടാക്കി അതിലേക്ക് ഒരു ടേബിൾ സ്പൂൺ മഞ്ഞൾപൊടിയിട്ട് ഫ്ളെയിം നന്നായി കുറച്ചു വച്ച് ചുടാക്കണം. മഞ്ഞൾപൊടി നന്നയി കറുത്ത നിറമാകുമ്പോൾ ഫൈ്ളയിം ഓഫ് ചെയത് അതിലേക്ക് ഒരു ടേബിൾ സ്പൂൺ കാപ്പിപ്പൊടി ചേർത്ത് നന്നായി യോജിപ്പിപ്പിക്കുക. ഇതിലേക്ക് നേരത്തെ തിളപ്പിച്ച് വച്ച കട്ടൻ ചായ ഒഴിച്ച് പേസ്റ്റ് രൂപത്തിലാക്കി എടുക്കുക. ഇത് രാത്രി മുഴുവൻ അതേ ഇരുമ്പ് ചട്ടിയിൽ തന്നെ അടച്ച് സൂക്ഷിക്കണം.
ഈ മിശ്രിതം രാവിലെ നരയുള്ള ഭാഗത്ത് തേച്ച് പിടിപ്പിച്ച് ഒരു മണിക്കൂർ വയ്ക്കണം. അതിന് ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാവുന്നതാണ്. ആദ്യം ആഴ്ച്ചയിൽ മൂന്ന് പ്രാവശ്യം ഉപയോഗിക്കുക. പിന്നീട് മാസത്തിൽ ഒരിക്കൽ ഉപയോഗിച്ചാൽ മതിയാകും.
