ഉപയോക്താക്കൾക്ക് പുത്തൻ ന്യൂ ഇയർ സമ്മാനവുമായി വാട്‌സ് ആപ്പ് വീണ്ടുമെത്തുന്നു. ടെക്‌സ്റ്റിംഗ്, കോളിംഗ് എന്നിവ മെച്ചപ്പെടുത്താനുള്ള പുതിയ ഫീച്ചറുകൾ അടുത്ത വർഷം തുടക്കത്തിൽ തന്നെ വാട്‌സ് ആപ്പ് അവതരിപ്പിക്കും. ഇതിനോടൊപ്പം തന്നെ പുതുവർഷ സമ്മാനമായി, പുത്തൻ സ്റ്റിക്കറുകളും ഇമോജികളും ഇതിനൊപ്പം വാട്‌സ്ആപ് കൊണ്ടുവരും.
പുതുവർഷത്തിൽ ന്യൂ ഇയർ തീമോടെ, വീഡിയോ കോളുകൾ വിളിക്കാനാകുമെന്ന സവിശേഷതയും വാട്‌സ്ആപ് അവതരിപ്പിക്കുന്നുണ്ട്. ഫെസ്റ്റിവൽ വൈബുള്ള ആനിമേഷനുകളും സ്റ്റിക്കറുകളും വരുന്നതും മറ്റൊരു ന്യൂ ഇയർ ഗിഫ്റ്റ് ആണ്. ന്യൂ ഇയർ സ്റ്റിക്കറിന് പുറമേ മറ്റ് ഉത്സവ ദിനങ്ങളിലും ഇത്തരം ഫെസ്റ്റിവൽ ബാക്ക്ഗ്രൗണ്ടുകളും സ്റ്റിക്കറുകളും ഇഫക്ടുകളും വാട്‌സ്ആപ്പിൽ ലഭ്യമാകും.
ഇനിവരുന്ന ഫെസ്റ്റിവലുകൾ കളർഫുളാക്കാനായി പുതിയ ഫീച്ചറുകൾ സഹായിക്കും. അടുത്തിടെ വാട്‌സ്ആപ്പിൽ പുതിയ ഫീച്ചർ ലഭ്യമായിരുന്നു. സേവ് ചെയ്യാത്ത നമ്പറുകളിലേക്കും ആപ്പിൽ നിന്ന് നേരിട്ട് വാട്‌സ്ആപ്പ് കോൾ വിളിക്കാനുള്ള ഫീച്ചറാണ് നേരത്തെ അവതരിപ്പിച്ചിരിക്കുന്നത്. പരീക്ഷണ ഘട്ടത്തിലുള്ള ഈ ഫീച്ചർ അധികം താമസിക്കാതെ തന്നെ ഐഒഎസ് യൂസർമാർക്കും ലഭ്യമാകും.
മുമ്പ് സേവ് ചെയ്ത നമ്പറുകളിലേക്ക് മാത്രമേ നേരിട്ട് വാട്‌സ്ആപ്പ് കോൾ വിളിക്കാൻ സാധിച്ചിരുന്നോള്ളൂ. ഇപ്പോൾ ആരെയാണോ വിളിക്കേണ്ടത് അവരുടെ നമ്പർ മുമ്പ് സേവ് ചെയ്തിട്ടില്ലെങ്കിൽ പോലും നമ്പർ നേരിട്ട് എൻറർ ചെയ്ത് വിളിക്കാം. നമ്പർ നൽകുമ്പോൾ അത് മുമ്പ് പ്ലാറ്റ്‌ഫോമിൽ സേവ് ചെയ്തതാണോ അല്ലയോ എന്ന് വാട്‌സ്ആപ്പ് പരിശോധിക്കും. വെരിഫൈഡ് ബിസിനസ് അക്കൗണ്ടിൻറെ നമ്പർ ആണെങ്കിൽ നീല ടിക് മാർക് ദൃശ്യമാകും. ഇത് സുരക്ഷ കൂട്ടുന്ന ഫീച്ചറാണ്.
