പുതിയ ഫീച്ചറുകൾ അവതരിപ്പിച്ച് കൂടുതൽ ജനകീയമാകുകയാണ്‌ വാട്സ്ആപ്പ്. ഇത്തവണ വാട്സ്ആപ്പ് വെറൈറ്റി ഫീച്ചറാണ്‌ അവതരിപ്പിച്ചിരിക്കുന്നത്. മറ്റു ഭാഷകളിലുള്ള വോയിസ് നോട്ടുകൾ എളുപ്പം മനസ്സിലാക്കാം എന്നതാണ് പുതിയ ഫീച്ചർ.
എന്നാൽ അതിനായി വാട്സാപ്പിൽ കിട്ടുന്ന വോയിസ് നോട്ടുകൾ പകർത്തുന്നതിന് 150 എംപി ഡാറ്റ കൂടുതൽ ആവശ്യം വരും.എൻഡ് ടു എൻഡ് എൻക്രിപ്ഷൻ സംരക്ഷണം ഉറപ്പാക്കി നൂതന സ്പീച് സാങ്കേതികവിദ്യയെ അടിസ്ഥാനമാക്കിയാണ് പുതിയ ഫീച്ചർ. നിലവിൽ ഐഫോണിൽ മാത്രമാണ് ഈ ഫീച്ചർ അവതരിപ്പിച്ചിരിക്കുന്നത്. ആൻഡ്രോയിഡ് ഫോണുകളിലും താമസിയാതെ തന്നെ ഈ ഫീച്ചർ അവതരിപ്പിച്ചേക്കും എന്നാണ് വിവരം.
തേർഡ് പാർട്ടി ആപ്പുകളുടെ സഹായമില്ലാതെ മറ്റു ഭാഷകളിലുള്ള വോയിസ് വായിക്കാൻ കഴിയുന്ന തരത്തിലാണ് പുതിയ ഫീച്ചർ അവതരിപ്പിച്ചിരിക്കുന്നത്. ഇതിനായി പുതിയ സെക്ഷൻ വാട്സാപ്പിൽ വരും. ശബ്ദ സന്ദേശം പകർത്തി വായിക്കുന്നതിന് നിശ്ചിത ഭാഷകളിൽ ഒന്ന് തിരഞ്ഞെടുക്കാൻ കഴിയും. ഇംഗ്ലീഷ് സ് പാനീഷ് പോർച്ചുഗീസ് റഷ്യൻ ഹിന്ദി എന്നീ ഭാഷകൾ ആയിരിക്കും തുടക്കത്തിൽ ട്രാൻസിലേഷൻ ചെയ്യാൻ കഴിയുക. ഭാഷ തിരഞ്ഞെടുത്ത ശേഷം ട്രാൻസ്ക്രിപ്ഷൻ സാധ്യമാക്കുന്ന തരത്തിലാണ് സംവിധാനം വരിക. ഭാവിയിൽ കൂടുതൽ ഭാഷകൾ ഈ സംവിധാനത്തിന്റെ കീഴിൽ വന്നേക്കും എന്നാണ് റിപ്പോർട്ട്
