അഹമ്മദാബാദ് : മഹാശിവരാത്രി ആഘോഷങ്ങളുടെ ഭാഗമായി ശിവതാണ്ഡവമാടി ഈജിപ്തിൽ നിന്നുള്ള മുസ്ലീം വിദ്യാർത്ഥി. ഗുജറാത്ത് സർവകലാശാലയിൽ പഠിക്കുന്ന റെവ അബ്ദേൽ നാസർ എന്ന ശിവഭക്തയാണ് താണ്ഡവനൃത്തമാടിയത്. മാതാപിതാക്കളുടെയും കുടുംബത്തിന്റെയും എതിർപ്പുകൾ പൂർണ്ണമായും അവഗണിച്ചുകൊണ്ട് ഈ നർത്തകി അവിസ്മരണീയമായ തന്റെ നൃത്തച്ചുവടുകളിലൂടെ ലോകമെമ്പാടുമുള്ളവരുടെ ശ്രദ്ധയാകർഷിക്കുകയാണ്.
കഴിഞ്ഞ നാല് വർമഷമായി ബറോഡ എംഎസ് സർവകലാശാലയിൽ പഠിക്കുകയാണ് റെവ. കഥക് നൃത്തത്തിൽ ബിരുദം നേടിയ വിദ്യാർത്ഥിനി അന്താരാഷ്ട്ര തലത്തിൽ നടക്കുന്ന പരിപാടികളിൽ പങ്കെടുക്കാറുണ്ട്. ഇത് കൂടാതെ അഹമ്മദാബാദിൽ നടന്ന വൈബ്രന്റ് ഗുജറാത്ത് എഡ്യുക്കേഷൻ ഉച്ചകോടിയിലും റെവ പരിപാടി അവതരിപ്പിച്ചിരുന്നു.
ശിവ താണ്ഡവമാണ് ആത്യന്തികമായ നൃത്തം എന്നാണ് റെവ പറയുന്നത്. താൻ ശിവ താണ്ഡവമാടുന്നതിനെ അച്ഛൻ എപ്പോഴും എതിർക്കുമായിരുന്നു. എന്നാൽ നൃത്തം ചെയ്യാൻ അമ്മ തന്നെ പിന്തുണച്ചുവെന്നും റെവ പറയുന്നു.
