ചെറുതോണി: മൊബൈൽ ഫോണിന് റേഞ്ച് ലഭിക്കാത്തതിനെ തുടർന്ന് 100 അടി ഉയരമുള്ള ടവറിന് മുകളിൽ കയറി യുവാവിൻറെ ആത്മഹത്യ ഭീഷണി. കഴിഞ്ഞ ദിവസം രാവിലെ 11 ഓടെയാണ് സംഭവം. കഞ്ഞിക്കുഴി പഞ്ചായത്തിലെ മൈലപ്പുഴയിലാണ് സംഭവം.
ബി.എസ്.എൻ.എൽ കമ്പനിയുടെ ടവറിൻറെ മുകളിലാണ് മൈലപ്പുഴ ആറ്റുപുറത്ത് ജെറിൻ (29) കയറിയത്. നാട്ടുകാരെയും അധികൃതരെയും ഒരു മണിക്കൂറോളം മുൾമുനയിൽ നിർത്തിയ സംഭവത്തിൽ റേഞ്ച് ലഭിച്ചതിന് ശേഷമാണ് താഴെയിറങ്ങിയത്
നാല് ദിവസമായി ഇവിടെ മൊബൈൽ ഫോണിന് റേഞ്ച് ലഭിക്കുന്നില്ലായിരുന്നു. പുറം ലോകവുമായി ബന്ധപ്പെടാൻ പറ്റാത്ത അവസ്ഥയിലായി. ഇതോടെ യുവാവ് ടവറിന് മുകളിൽക്കയറി ഭീഷണി മുഴക്കുകയായിരുന്നു.











